07:40, 21 - جەلتوقسان 2023 | GMT +5
قازاقستان اۋماعىندا كوكتايعاق بولىپ، قاتتى جەل تۇرادى
قازگيدرومەت ەل اۋماعىندا 21 -جەلتوقساندا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Kazinform.
اتموسفەرالىق فرونتالدى بولىكتەردىڭ وتۋىنە بايلانىستى، ەلىمىزدىڭ باسىم بولىگىندە تۇراقسىز اۋا رايى ساقتالادى.
«قار جاۋادى، كۇندىز جاۋىن- شاشىن (جاڭبىر، قار) تۇسەدى، تۇندە سولتۇستىكتە جانە شىعىستا قاتتى قار جاۋادى. تەك ەلىمىزدىڭ باتىسى مەن وڭتۇستىگىندە جاۋىن- شاشىنسىز اۋا رايى بولادى. قر بويىنشا كوكتايعاق، ەكپىندى جەل، سولتۇستىكتە، شىعىستا - بۇرقاسىن، باتىستا، وڭتۇستىكتە، وڭتۇستىك- شىعىستا تۇمان كۇتىلەدى»، - دەپ جازدى سينوپتيكتەر.
اۆتور
اسحات رايقۇل
