قازاقستان اۋعانستانعا گۋمانيتارلىق كومەك جانە قۇتقارۋشىلاردى جىبەرەدى

مەملەكەت باسشىسى قاسىم- جومارت توقايەۆتىڭ تاپسىرماسىنا سايكەس قازاقستان رەسپۋبليكاسى اۋعانستانعا گۋمانيتارلىق كومەك كورسەتەدى. بۇل ماسەلە ۇكىمەتتىك كوميسسيانىڭ وتىرىسىندا تالقىلاندى، دەپ حابارلايدى قازاقپارات ۇكىمەتكە سىلتەمەمەن.

گۋمانيتارلىق كومەك ازىق- تۇلىك تاۋارلارى، شاتىر، ءدارى- دارمەك، كيىم- كەشەك جانە باسقا دا قاجەتتى زاتتاردان تۇرادى.

جۇك جاقىن ارادا اۋە جانە تەمىرجول كولىگىمەن جونەلتىلەدى.

سونىمەن قاتار اۋعانستانعا ءۇيىندى استىندا قالعان ادامداردى قۇتقارۋ ءۇشىن ت ج م قۇتقارۋشىلارى، سونىڭ ىشىندە كينولوگ ماماندار جىبەرىلەدى.

قازاقستان بيىلعى 7- قازاندا گەرات پروۆينتسياسىندا بولعان جويقىن جەر سىلكىنىسىنىڭ سالدارىن جويۋ ماقساتىندا اۋعانستانعا قولداۋ كورسەتەدى.

ەسكە سالا كەتەيىك، ءبىز بۇعان دەيىن اۋعانستانداعى الاپات جەر سىلكىنىسىنەن 2053 ادام قازا تاپقانىن حابارلاعان ەدىك.

اۆتور

جانات قاپالبايەۆا