قازاقستان 90 تاۋار پوزيتسياسى بويىنشا ا ق ش- قا شيكىزاتتىق ەمەس ەكسپورتتى ۇلعايتۋعا دايىن
استانا. KAZINFORM - قازاقستاننىڭ ساۋدا ءمينيسترى ارمان شاققاليەۆ ا ق ش- تىڭ ساۋدا وكىلى، ەلشى كەترين تايمەن ەكى ەل اراسىنداعى ىنتىماقتاستىقتىڭ نەگىزگى باعىتتارىن تالقىلادى، دەپ حابارلايدى ق ر ساۋدا جانە ينتەگراتسيا مينيسترلىگىنىڭ باسپا ءسوز قىزمەتى.

باسپاءسوز قىزمەتىنىڭ مالىمەتتەرىنە قاراعاندا، ا ق ش قازاقستاننىڭ ستراتەگيالىق ساۋدا جانە ينۆەستيتسيالىق سەرىكتەستەرىنىڭ ءبىرى بولىپ تابىلادى جانە ەڭ ءىرى ساۋدا وداقتاستارىنىڭ العاشقى وندىعىندا سەنىمدى ورىن الادى.
ەكى ەل اراسىنداعى ەكىجاقتى تاۋار اينالىمى وڭ ديناميكانى كورسەتۋدە. قازاقستان 90 تاۋار پوزيتسياسى بويىنشا ا ق ش- قا شيكىزاتتىق ەمەس ەكسپورتتى $770,6 ميلليونعا دەيىن ۇلعايتۋعا دايىن ەكەنىن ءبىلدىردى.
كەزدەسۋ بارىسىندا قازاقستاننىڭ ساۋدا ءمينيسترى ەكى مەملەكەت اراسىنداعى ساۋدا قاتىناستارىن شەكتەيتىن دجەكسون- ۆەنيك تۇزەتۋدىڭ كۇشىن جويۋ ماسەلەسىن كوتەردى. ول ا ق ش كونگرەسىنىڭ ءتيىستى شەشىمدەردى تەزىرەك قابىلداۋىنا ءۇمىت ءبىلدىردى. دجەكسون- ۆەنيك تۇزەتۋىنە قاتىستى زاڭ جوباسى وكىلدەر پالاتاسىنىڭ 33 مۇشەسى قولدادى جانە ا ق ش وكىلدەر پالاتاسىنىڭ ساۋدا جونىندەگى كىشى كوميتەتىندە قارالۋدا.
«ءبىز دجەكسون-ۆەنيك تۇزەتۋدىڭ كۇشىن جويۋ جۇمىستىڭ تەزىرەك وڭ ناتيجەسىن بەرەدى دەگەن ۇمىتتەنەمىز، بۇل ءبىزدىڭ ەلدەر اراسىنداعى ساۋدا-ەكونوميكالىق قاتىناستاردىڭ دامۋىنا جاڭا سەرپىن بەرەدى»، - دەپ اتاپ ءوتتى ارمان شاققاليەۆ.
سونداي-اق، ول ەكىجاقتى ساۋدا-ەكونوميكالىق قاتىناستاردى نىعايتۋداعى ا ق ش- تىڭ جالپى پرەفەرەنسيالار جۇيەسىنىڭ (ج پ ج) ماڭىزدى ءرولىن اتاپ ءوتتى. قازاقستان ءوز تاراپىنان ا ق ش- تىڭ ج پ ج- ءنىڭ قايتا قولدانۋ ءۇشىن بارلىق قاجەتتى جۇمىستاردى جۇرگىزۋگە دايىن ەكەنىن ءبىلدىردى.
ا ق ش- تىڭ ساۋدا وكىلى، ەلشى كەترين تاي ا ق ش پەن قازاقستان اراسىنداعى جاڭا ساۋدا قاتىناستارىنىڭ دامۋى مەن ەكونوميكالىق بايلانىستاردىڭ نىعايۋ پەرسپەكتيۆاسىنا سەنىم ءبىلدىردى.
ونىڭ ايتۋىنشا، ا ق ش- تىڭ ج پ ج باعدارلاماسىنىڭ ۇزارتىلۋى كەلەسى جىلى ا ق ش كونگرەسىندە قارالاتىن بولادى. بۇل ماسەلەدە ول قازاقستانعا كومەك كورسەتۋگە دايىن ەكەنىن ايتتى.
ارمان شاققاليەۆ سونداي-اق ورتالىق ازياداعى ساۋدانى ايماقتاندىرۋ ماسەلەسىن تالقىلاپ، بەس ەلدىڭ ءبىرتۇتاس ءوڭىر رەتىندە ارەكەت ەتەتىنىن اتاپ ءوتتى.
ITC SheTrades دسۇ باستاماسىن قولداي وتىرىپ، قازاقستاننىڭ ساۋدا ءمينيسترى الماتىدا «SheTrades Central Asia» حابىن - جاھاندىق ساۋداعا قاتىسۋعا مۇمكىندىك بەرەتىن ايەل كاسىپكەرلەرگە ارنالعان پلاتفورما قۇرۋدى ۇسىندى.
ورتالىق ازيادان تاۋارلاردىڭ ەكسپورتى مەن ءترانزيتى ءۇشىن ورتا ءدالىزدىڭ ماڭىزدىلىعى اتاپ ءوتىلدى، ال راسىمدەردى جەڭىلدەتۋ جانە كەدەرگىسىز ساۋدا نەگىزگى مىندەتتەر رەتىندە تانىلدى. قازاقستان «جۇمساق» ينفراقۇرىلىمدى بىرلەسىپ دامىتۋعا جانە تەڭىز پورتتارى قىزمەتكەرلەرىنىڭ بىلىكتىلىگىن ارتتىرۋعا مۇددەلى.