قازاقستان 2 جىلدان كەيىن سيىر ەتىنىڭ العاشقى پارتياسىن قىتايعا ەكسپورتتادى

сиыр еті
Фото: Виктор Федюнин/Kazinform

استانا. KAZINFORM - بيىل اۋىل شارۋاشىلىعى مينيسترلىگى اۋسىل بويىنشا شەكتەۋدى الىپ تاستاعاننان كەيىن «Meat Processing and Service»ج ش س ق ح ر- عا 20 توننا سيىر ەتىن ەكسپورتتادى.

كاسىپورىن الماتى وبلىسىندا 2009 -جىلدان بەرى جۇمىس ىستەيدى جانە ءى ق م مەن ۇ ق م ەتىن قايتا وڭدەۋ مەن كونسەرۆىلەۋگە، بورداقىلاۋعا جانە سويۋعا ماماندانعان. كومپانيادا مال باسى 1,2 مىڭنان اسادى، ءبىر مەزگىلدە 3 مىڭ باس مال ۇستايتىن بورداقىلاۋ بازاسى بار.

ەت وڭدەۋ كاسىپورنىنىڭ ونىمدىلىگى 10 ساعاتتا 200 باس ءىرى قارا، 1000 باس ۇساق مال. ەتتىڭ كوتەرمە ساۋداسى يران، ومان جانە باحرەيندە جولعا قويىلعان.

ەستەرىڭىزگە سالا كەتەيىك، قىتاي حالىق رەسپۋبليكاسىنىڭ اۋسىل اۋرۋىنا 2020 -جىلى ەنگىزگەن ۋاقىتشا شەكتەۋلەرى 2024 -جىلدىڭ 7 -اقپانىندا الىنىپ تاستالدى. تىيىم سالۋدى الىپ تاستاۋ تۋرالى شەشىم قاسىم-جومارت توقايەۆتىڭ 2023 -جىلى ق ح ر- عا رەسمي ساپارىنان كەيىن قابىلداندى. ونىڭ بارىسىندا مەملەكەت باسشىسى قازاقستاننىڭ قىتايعا مال شارۋاشىلىعى ونىمدەرىن جەتكىزۋگە دايىن ەكەنىن اتاپ ءوتتى.

ق ر پرەمەر-ءمينيسترىنىڭ ورىنباسارى سەرىك جۇمانعارين ءبىرقاتار كەلىسسوز جۇرگىزدى. ال 2023 -جىلعى قاراشادا ق ر اۋىل شارۋاشىلىعى ءمينيسترى ايداربەك ساپاروۆ ق ح ر باس كەدەن باسقارماسىنىڭ ءتوراعاسى يۋي جيانحۋامەن رەسمي كەزدەسۋ وتكىزدى.

قىتاي تاراپى قۇس تۇماۋى مەن اۋسىل بويىنشا قاۋىپتەرگە باعا بەردى. جەلتوقسان ايىندا ق ح ر مەملەكەتتىك تەحنيكالىق ۋنيۆەرسيتەتى مەن قىتاي اۋىل شارۋاشىلىعى جانە اۋىل ىستەرى مينيسترلىگى ساراپشىلار توبىنىڭ قازاقستانعا ساپارى شەڭبەرىندە جوعارىدا اتالعان اۋرۋلارعا جەتكىلىكتى باقىلاۋدى قامتاماسىز ەتۋ ءۇشىن ۆەتەرينارلىق قىزمەتتىڭ جۇمىسىنا اۋديت جۇرگىزىلدى. سوڭعى 3 اي ىشىندە وتاندىق كاسىپورىندار ەكسپورتتىق تاۋارلار جەلىسىن كەڭەيتۋ، ەلدىڭ بارلىق اۋماعىنان كاسىپورىنداردى ەكسپورتتاۋعا جىبەرۋ، قىتاي يمپورتتاۋشىلارىنىڭ تىزىلىمىنە ەنگىزۋ بويىنشا ۆەتەرينارلىق تالاپتاردى كەلىسۋ بويىنشا بەلسەندى جۇمىس جۇرگىزدى.

ق ر ا ش م ق ح ر- داعى قازاقستاندىق ەكسپورتتاۋشى كاسىپورىندار ءتىزىمىن كەڭەيتۋدى جالعاستىرىپ جاتىر.

اۆتور

ەلميرا ورالبايەۆا

سوڭعى جاڭالىقتار