قازاقستان 1967-جىلعى شەكارادا پالەستينا مەملەكەتىن قۇرۋ ۇستانىمىنان اينىمايدى
استانا. KAZINFORM - ەلىمىزدىڭ سىرتقى ساياسي ۆەدومستۆوسى قازاقستاننىڭ پالەستينا-يزرايل قاقتىعىسىنا قاتىستى ۇستانىمىن ءبىلدىردى.
كەشە قازاقستان رەسپۋبليكاسى پرەمەر-ءمينيسترىنىڭ ورىنباسارى-سىرتقى ىستەر ءمينيسترى مۇرات نۇرتىلەۋ پالەستيناداعى جاعدايعا ارنالعان يسلام ىنتىماقتاستىعى ۇيىمىنىڭ سىرتقى ىستەر مينيسترلەرى كەڭەسىنىڭ توتەنشە سەسسياسىنا قاتىستى.
سەسسيا جۇمىسىنا ي ى ۇ ەلدەرىنىڭ، ونىڭ ىشىندە ساۋد ارابياسى، كۋۆەيت، كاتار، يوردانيا، يران، تۇركيا، ماروككو سىرتقى ساياسي ۆەدومستۆولارىنىڭ باسشىلارى قاتىستى.
س ى م ك بارىسىندا ي ى ۇ-عا مۇشە مەملەكەتتەر گازا سەكتورىندا اتىستى دەرەۋ توقتاتۋعا شاقىردى جانە پالەستينا- يزرايل داعدارىسىن تەزىرەك شەشۋ قاجەتتىگىن العا تارتتى.
مۇرات نۇرتىلەۋ ءوز سوزىندە گازا سەكتورىنداعى ۇزاققا سوزىلعان گۋمانيتارلىق اپاتقا بايلانىستى ەرەكشە الاڭداۋشىلىق ءبىلدىردى.
ودان شىعۋدىڭ بىردەن- ءبىر جولى - اسكەري ءىس-قيمىلدى جاقىن ارادا توقتاتۋ بولۋى مۇمكىن.
قازاقستان ءوڭىردىڭ بۇكىل حالقى ءۇشىن بەيبىتشىلىك، تۇراقتىلىق پەن قاۋىپسىزدىككە قول جەتكىزۋ ءۇشىن كۇش-جىگەردى كۇشەيتۋگە شاقىردى، بۇل الداعى قاسيەتتى رامازان ايى قارساڭىندا ەرەكشە ماڭىزدى.
«قازاقستان سىرتقى ساياسي ۆەدومستۆوسىنىڭ باسشىسى كوپجىلعى قاقتىعىستىڭ جالعىز شەشىمى رەتىندە ب ۇ ۇ بەكىتكەن «ەكى حالىق ءۇشىن ەكى مەملەكەت» فورمۋلاسى نەگىزىندە 1967-جىلعى شەكارادا پالەستينا مەملەكەتىن قۇرۋ بويىنشا قازاقستاننىڭ وزگەرمەيتىن ۇستانىمىن راستادى» دەيدى س ءى م باسپا ءسوز قىزمەتىنەن.
ءىس-شارا مۇسىلمان ەلدەرىنىڭ پالەستينا حالقىمەن ۇندەستىگىن جانە قاقتىعىستى تەزىرەك توقتاتۋ ءۇشىن بەلسەندى ارەكەت ەتۋگە ۇمتىلىسىن كورسەتتى.
اۆتور
جانات قاپالبايەۆا
