قازاقستان 1 التىن، 2 قولا مەدالمەن جالپى ەسەپتە نەشىنشى ورىندا تۇر
پاريج. KAZINFORM - فرانسيا استاناسىندا ءوتىپ جاتقان وليمپيادا ويىندارىندا قازاقستان قۇراماسى جالپى مەدالدار كەستەسىندە 1 التىن، 2 قولا مەدالمەن 7- ورىندا كەلەدى.
ال 3 التىن، 2 كۇمىس، 1 قولا مەدال جەڭىپ العان وڭتۇستىك كورەيا سپورتشىلارى جالپى ەسەپتە كوش باسىندا تۇر. ەكىنشى ورىندا - اۆستراليا قۇراماسى. ولاردىڭ ەنشىسىندە 3 التىن، 2 كۇمىس جۇلدە بار. ۇزدىك ۇشتىكتى ازىرگە 3 التىن، 1 كۇمىس، 1 قولا مەدالمەن قىتاي قۇراماسى تۇيىندەپ تۇر.
جالپى بۇگىنگە دەيىن پاريج وليمپياداسىنىڭ مەدالىنە 19 مەملەكەتتىڭ سپورتشىلارى قول جەتكىزىپ ۇلگەردى.
ايتا كەتەيىك، پاريج قالاسىندا الاۋى تۇتانعان XXXIII جازعى وليمپيادا ويىندارىندا جالپى 32 سپورت تۇرىنەن 329 مەدال جيىنتىعى ساراپقا سالىنادى.
قازاقستان سپورتشىلارى ءتورت جىلدىق دودادا سپورتتىڭ 25 تۇرىنەن 92 جولداما جەڭىپ العان بولاتىن.
اۆتور
كۇنسۇلتان وتارباي
