قازاقستانعا كىرۋ ءتارتىبى وزگەرەدى
استانا. KAZINFORM - بۇدان بىلاي ەلىمىزگە ۆيزاسىز كەلۋ مۇمكىندىگى بار شەتەلدىكتەر، ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى قازاقستان اۋماعىنا كىرۋ ءۇشىن ەلەكتروندىق رۇقسات الۋى ءتيىس، دەپ حابارلايدى 24KZ.
جاڭا تالاپ بيىل قاراشا ايىنان باستاپ كەزەڭ-كەزەڭىمەن ەنگىزىلەدى. 2027 -جىلدىڭ 1- شىلدەسىنە دەيىن شەتەلدىكتەرگە ەلەكتروندىق رۇقساتتى قالاي الۋ كەرەگى تۇسىندىرىلەدى. ال 1- شىلدەدەن كەيىن رۇقساتى جوقتار قازاقستانعا كىرە المايدى.
QazETA پلاتفورماسى ارقىلى ءوتىنىشتى ەلگە كەلۋدەن 72 ساعات بۇرىن جىبەرۋ كەرەك. رۇقسات تەگىن بەرىلەدى جانە 180 كۇنگە جارامدى. تەك 16 جاسقا تولماعان بالالار مەن 65 جاستان اسقاندارعا جانە قازاقستاندا ۋاقىتشا تۇرۋعا رۇقساتى بار شەتەلدىكتەرگە جوعارىدا ايتىلعان قۇجات قاجەت ەمەس.
