قازاقستاننان ءىرى قارا مەن ۇساق مالدىڭ انالىق باسىن ەكسپورتتاۋعا التى ايعا تىيىم سالىندى

— قازاقستان اۋماعىنان، ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەرگە ءىرى قارا مالدىڭ انالىق باسىن شىعارۋعا التى اي مەرزىمگە تىيىم سالىنسىن، — دەلىنگەن قۇجاتتا.

بۇيرىققا سايكەس، تىيىم ءىرى قارا مالدىڭ (ەاەو سەق ت ن كودى — 0102) جانە ۇساق مالدىڭ (0104) انالىق باسىنا قاتىستى.

اۋىل شارۋاشىلىعى مينيسترلىگىنە بۇل شارا تۋرالى ەۋرازيالىق ەكونوميكالىق كوميسسيانى حاباردار ەتۋ تاپسىرىلدى.

اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى قارجى مينيسترلىگىنىڭ مەملەكەتتىك كىرىستەر كوميتەتىمەن بىرلەسىپ، بۇيرىقتىڭ ورىندالۋىن قامتاماسىز ەتۋ ءۇشىن قاجەتتى شارالاردى قابىلداۋعا ءتيىس.

بۇيرىق 5- قاراشادان باستاپ كۇشىنە ەندى.

ەسكە سالا كەتەيىك، بۇعان دەيىن گەرمانيادان قازاقستانعا قۇنى 6 ميلليارد تەڭگە بولاتىن 5 مىڭ اسىل تۇقىمدى مال اكەلىنەتىنى حابارلانعان ەدى.