قازاقستاندا العاشقى كومىر حيمياسى كەشەنى قۇرىلادى
استانا. KAZINFORM - مەملەكەت باسشىسىنا №8 جانە №9-جاڭا كوكس باتەرەيالارىنىڭ قۇرىلىسى جونىندە باياندالدى. بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنتكە اتالعان جوبا Qarmet كومپانياسىنىڭ ءىرى ينۆەستيتسيالىق باستامالارىنىڭ قاتارىنا ەنەتىنى ايتىلدى.
ونىڭ اياسىندا جاڭا كوكس ءوندىرىسى قۋاتىن جۇزەگە اسىرۋ قاراستىرىلىپ وتىر. مۇنداي اۋقىمداعى قۇرىلىس كومبيناتتا سوڭعى بىرنەشە ونجىلدىقتا بولماعان.
باس تەحنولوگيالىق سەرىكتەسى - ACRE Coking جانە Refractory Engineering Consulting Corporation كومپانياسى.
ەكى باتەرەيانىڭ جالپى جوبالىق قۋاتى جىلىنا 1,5 ميلليون توننا قۇرعاق كوكس وندىرۋگە جەتەدى. ءار باتەرەيادا كامەراسىنىڭ بيىكتىگى 7,6 مەتر بولاتىن 54 كوكس پەشى جۇمىس ىستەيدى.
جاڭا اگرەگاتتار دومنا پەشىن وسىندا وندىرىلەتىن كوكسپەن تۇراقتى تۇردە قامتاماسىز ەتۋگە، ونىڭ ساپاسىن ۇدايى ساقتاۋعا جانە ەكولوگيالىق قاۋىپسىزدىكتىڭ اناعۇرلىم جوعارى دەڭگەيدە بولۋىنا مۇمكىندىك بەرەدى.
1960-1970 -جىلدارى پايدالانۋعا بەرىلگەن ءوندىرىس قۋاتىن الماستىراتىن باتەرەيالاردى كەلەسى جىلى ىسكە قوسۋ جوسپارلانىپ وتىر.
وسىلايشا، قازاقستاندا كوكستەۋ ونىمدەرىن تەرەڭ وڭدەيتىن العاشقى كومىر حيمياسى كەشەنى قۇرىلادى.
ايتا كەتەلىك توقايەۆ جۇمىس ساپارىمەن قاراعاندى وبلىسىنا بارعان ەدى. پرەزيدەنت تەمىرتاۋداعى جاڭارتىلعان ترامۆاي جۇيەسىمەن تانىستى.
