قازاقستاندا 200-دەن استام ادام جاردەماقىدان باس تارتتى

ەندى ماتەريالدىق جاعدايى جاقسى ازاماتتار جاردەماقىدان باس تارتۋ تۋرالى ءوتىنىشتى eGov Mobile قوسىمشاسى ارقىلى ونلاين بەرە الادى. قازىر وسىعان ارنالعان ارنايى سەرۆيس ازىرلەنىپ جاتىر. ەڭبەك جانە حالىقتى الەۋمەتتىك قورعاۋ مينيسترلىگى مەن اكىمدىكتەر ءال-اۋقاتى جوعارى دەپ تانىلعان وتباسىلاردىڭ جاعدايىن قوسىمشا تەكسەرىپ جاتىر.

ۇكىمەت باسشىسى وتباسىنىڭ ءال-اۋقاتىن انىقتايتىن كالكۋلياتوردى جەتىلدىرىپ، بانكتەردى «وتباسىنىڭ سيفرلىق كارتاسىنا» قوسۋدى جەدەلدەتۋدى تاپسىردى. بۇدان بولەك، جەرگىلىكتى دەڭگەيدەگى 66 الەۋمەتتىك كومەك شاراسى قايتا قارالىپ، 38- ءى وڭتايلاندىرىلدى، قالعان 28- ءى ءبىرىڭعاي تالاپتارى بار 13 باعىتقا بىرىكتىرىلدى. 2027 -جىلعى 1- قاڭتاردان باستاپ كەيبىر مەملەكەتتىك جاردەماقىلار وتباسىنىڭ مۇقتاجدىق دەڭگەيىنە قاراي تاعايىندالادى. جاڭا تالاپتار А جانە В ساناتتارىنا جاتاتىن جاردەماقى الۋشىلارعا قاتىستى بولادى.