قازاقستان پرەزيدەنتى باۆاريا پرەمەر-ءمينيسترى ماركۋس زەدەرمەن كەزدەسۋ وتكىزدى

- باۆاريانىڭ وزىنە ءتان ەرەكشەلىگىن، ەكونوميكالىق قۋاتىن، يننوۆاتسيالىق الەۋەتىن جوعارى باعالايمىن. كەشە فەدەرالدىق پرەزيدەنت فرانك-ۆالتەر شتاينمايەرمەن جانە فەدەرالدىق كانسلەر فريدريح مەرتسپەن وتە مازمۇندى كەلىسسوزدەر جۇرگىزدىم. ۋاعدالاستىقتارىمىزدى ناقتى ناتيجەگە اينالدىرۋعا نيەتتىمىن ءارى اتالعان ماسەلەدە باۆاريانى باستى سەرىكتەس رەتىندە قاراستىرامىن. بۇل - ونەركاسىپ پەن عىلىمداعى ءوزىنىڭ وزىق جەتىستىكتەرىن داستۇرگە دەگەن ايرىقشا قۇرمەتىمەن ۇشتاستىرعان ءوڭىر. وسى ارقىلى باۆاريا گەرمانيا ەكونوميكاسىن العا سۇيرەپ، ەكونوميكامىزدى جاڭعىرتۋ مەن ءارتاراپتاندىرۋدا قازاقستاننىڭ سەنىمدى سەرىكتەسى بولىپ وتىر، - دەدى مەملەكەت باسشىسى.

️قاسىم-جومارت توقايەۆتىڭ ايتۋىنشا، باۆاريانىڭ تەحنولوگيالىق تابىستارى مەن قازاقستاننىڭ رەسۋرستىق جانە ونەركاسىپتىك الەۋەتىن بىرىكتىرۋگە ايتارلىقتاي مۇمكىندىك بار.

️ەلدەرىمىزدىڭ ەكونوميكالىق ىقپالداستىعىن جانداندىرىپ، حالىقتارىمىزدى ءبىر-بىرىنە جاقىنداتا تۇسۋدە كولىك بايلانىستارىن جاقسارتۋدىڭ دا ماڭىزى زور.

️پرەمەر-مينيستر ماركۋس زەدەر جاڭا ءوسىم باعىتتارىن ىزدەۋگە ايرىقشا ءمان بەرەتىن باۆاريا قازاقستانمەن سان قىرلى ىنتىماقتاستىقتى نىعايتۋعا مۇددەلى ەكەنىن جەتكىزدى.

سونداي-اق ول ەلىمىزدە تابىستى جۇمىس ىستەپ جاتقان باۆاريالىق كومپانيالارعا كورسەتكەن قولداۋى ءۇشىن قازاقستان پرەزيدەنتىنە ريزاشىلىعىن ءبىلدىردى.

️كەزدەسۋ سوڭىندا مەملەكەت باسشىسى باۆاريا پرەمەر-مينيسترىمەن قوناقجاي قازاق جەرىندە جۇزدەسۋدى اسىعا كۇتەتىنىن ايتتى.