قازاقستان مەن گ ف ر پرەزيدەنتتەرى شاعىن قۇرامدا كەلىسسوز جۇرگىزدى
استانا. KAZINFORM - مەملەكەت باسشىسى گەرمانياعا ساپارمەن كەلۋگە شاقىرىپ، قوناقجايلىق كورسەتكەنى ءۇشىن فرانك-ۆالتەر شتاينمايەرگە العىس ايتتى.
قازاقستان پرەزيدەنتى گەرمانيا ەلىمىزدىڭ ەۋروپاداعى باستى ستراتەگيالىق سەرىكتەسى سانالاتىنىنا، ال ەكىجاقتى ىنتىماقتاستىق ءوزارا سەنىمگە، قۇرمەتكە جانە ورتاق مۇددەگە نەگىزدەلگەنىنە نازار اۋداردى.
قاسىم-جومارت توقايەۆ كەلەسى جىلى ديپلوماتيالىق قاتىناس ورناعانىنا 35 جىل تولاتىنىن ەسكە سالدى. وسىناۋ كەزەڭدە ەكى ەل سەرىكتەستىكتىڭ بارلىق باعىتىندا ەلەۋلى تابىسقا قول جەتكىزدى.
پرەزيدەنت فرانك-ۆالتەر شتاينمايەر قاسىم-جومارت توقايەۆتىڭ استانا مەن بەرلين اراسىنداعى سان قىرلى ىنتىماقتاستىقتى كەڭەيتۋگە قوسقان ۇلەسىن جوعارى باعالايتىنىن جەتكىزدى.
ول قازاقستان پرەزيدەنتىنىڭ بۇل ساپارى ەكىجاقتى قارىم-قاتىناسقا تىڭ سەرپىن بەرىپ، مۇلدەم جاڭا دەڭگەيگە شىعاراتىنىنا سەنىم ءبىلدىردى.
قاسىم-جومارت توقايەۆ رەزيدەنتسياداعى قۇرمەتتى قوناقتار كىتابىندا ەستەلىك جازبا قالدىردى.
گەرمانيا فەدەراتيۆتىك رەسپۋبليكاسىنىڭ قورعانىس مينيسترلىگىندە بەرلينگە رەسمي ساپارمەن كەلگەن قازاقستان پرەزيدەنتى قاسىم-جومارت توقايەۆتى قارسى الۋ ءراسىمى وتكەنىن جازعان ەدىك.
