14:40, 15 - ءساۋىر 2024 | GMT +6
قازاق-قىرعىز شەكاراسىنان زاڭسىز وتكەن 17 شەتەلدىك ۇستالدى
استانا. KAZINFORM - ۇلتتىق قاۋىپسىزدىك كوميتەتى شەكارادان زاڭسىز وتپەك بولعانداردى ۇستادى.
28-ناۋرىز بەن 10-ءساۋىر ارالىعىندا جامبىل وبلىسى بويىنشا ۇ ق ك شەكارا قىزمەتى دەپارتامەنتىنىڭ اسكەري قىزمەتشىلەرى مەملەكەتتىك شەكارانى زاڭسىز كەسىپ ءوتۋ ارەكەتى بارىسىندا بەلگىلەنگەن وتكىزۋ پۋنكتىلەرىن اينالىپ ءوتۋ كەزىندە 17 شەتەل ازاماتىن ۇستادى.
ول ادامداردىڭ شەكارادان ءوتۋ قۇقىعىنا شەكتەۋ قويىلعان بولاتىن.
قازىر سوتقا دەيىنگى تەرگەۋ ءجۇرىپ جاتىر.
زاڭ بويىنشا قازاقستاننىڭ مەملەكەتتىك شەكاراسىن جانە ونىڭ رەجيمىن بۇزۋ قىلمىستىق جانە اكىمشىلىك جاۋاپكەرشىلىككە اكەپ سوعادى.
