قازاق ۇلتتىق ونەر ۋنيۆەرسيتەتىنە رەسمي تۇردە كۇلاش بايسەيىتوۆانىڭ ەسىمى بەرىلدى

استانا. KAZINFORM - قازاق ۇلتتىق ونەر ۋنيۆەرسيتەتىنە رەسمي تۇردە اڭىزعا اينالعان وپەرا ءانشىسى كۇلاش بايسەيىتوۆانىڭ ەسىمى بەرىلدى. بۇل تۋرالى مادەنيەت جانە اقپارات مينيسترلىگى حابارلادى.

Күләш Байсейітова
Фото: Мәдениет және ақпарат министрлігі

ەسكە سالا كەتەيىك، وقۋ ورنىن قايتا اتاۋ تۋرالى شەشىمدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قابىلداپ، بۇل تۋرالى وتكەن جىلى مادەنيەت جانە ونەر قىزمەتكەرلەرىن ماراپاتتاۋ راسىمىندە جاريالاعان بولاتىن.

مەملەكەتتىك قايتا تىركەۋ ءراسىمى اياقتالعاننان كەيىن، وقۋ ورنىنا «كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتى» اتاۋى رەسمي تۇردە بەرىلدى.

بۇل ماڭىزدى وقيعا كۇلاش بايسەيىتوۆانىڭ ۇلتتىق مادەنيەت پەن قازاق ونەرىنە قوسقان زور ۇلەسىن ايشىقتاپ، ونىڭ مول مۇراسىن جاس ۇرپاققا دارىپتەۋدىڭ ايقىن كورىنىسى بولدى.

سونىمەن قاتار «استانا وپەرا» تەاترىنىڭ كامەرالىق زالىنا كۇلاش بايسەيىتوۆانىڭ ەسىمى بەرىلەدى.

اۆتور

ەلميرا ورالبايەۆا

سوڭعى جاڭالىقتار