«قازاق ءتىلىن بىلمەگەنىمە ۇيالدىم»: باتۋمي تۇرعىنى ءتىل ۇيرەنۋ جايلى كەڭەس بەردى

استانا. قازاقپارات - جەلىدە گرۋزيا تۇرعىنىنىڭ قازاق ءتىلىن ۇيرەنۋ قۇپيالارىمەن بولىسكەن ۆيدەوسى قىزۋ تالقىلانۋدا، دەپ حابارلايدى Ulysmedia.kz.

رومان - اقتوبەدە دۇنيەگە كەلگەن، قازىرگى تاڭدا باتۋمي قالاسىندا تۇرادى. ول قازاقستاندى «وي ەركىندىگى مەن رۋح بوستاندىعى ءۇشىن» جاقسى كورەتىنىن ايتادى. رومان قازاق ءتىلىن بالا كەزىنەن ۇيرەنە باستاعان. بۇل جولدا مەكتەپتەگى مۇعالىمدەر دە، دوستارى دا كوپ كومەكتەسكەن ەكەن.

- مەن بالا كەزىمنەن قازاق دوستارىممەن ارالاستىم، سوندىقتان بۇل ءتىلدى بىلمەۋ مەن ءۇشىن ۇيات بولدى. مەن تىرىسقاندا، ۇيرەنە باستاعاندا، دوستارىم ۇنەمى قولداپ وتىردى. ەندى مىنە، گرۋزياعا كەلگەن سوڭ، تىلدەردىڭ ۇقساستىعىن بايقادىم. مىسالى، «ادام» ءسوزى گرۋزينشە «ادامياني» دەپ ايتىلادى. نەمەسە «باقا» - گرۋزينشە «باكاكي». ياعني، مەن گرۋزين ءتىلىن ۇيرەنگەندە قازاق ءتىلى وتە كوپ كومەكتەستى، دەيدى رومان.

قازاق ءتىلىن ەندى ۇيرەنىپ جۇرگەندەرگە ول ۇيالۋعا بولمايتىنىن جانە ءتىلدى بارىنشا ءجيى قولدانۋعا تىرىسۋ قاجەت ەكەنىن ايتادى.

- قازاقشا جاي عانا سويلەسۋ كەرەك. قانداي ءسوز بىلسەڭ دە، سويلەۋ بارىسىندا قوسىپ وتىرۋ كەرەك، دەيدى ول.