قايىرىمدىلىق كومەك مەحانيزمدەرىن جەتىلدىرۋ قاجەت - ايدا بالايەۆا
استانا. KAZINFORM - مادەنيەت جانە اقپارات ءمينيسترى ايدا بالايەۆا ەرىكتىلەر قوزعالىسىنىڭ بەلسەندىسى، قايىرىمدىلىق قور قۇرىلتايشىسى پەريزات قايراتقا قاتىستى تەرگەۋگە پىكىر ايتتى.
«ۆولونتەرلەر قوزعالىسىنىڭ بەلسەندىسى ءارى قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى شۋلى تەرگەۋ قايىرىمدىلىق كومەگىن كورسەتۋ مەحانيزمدەرىن جەتىلدىرۋدىڭ قاجەتتىلىگىن تاعى دا ەسكە سالىپ وتىر. قازىرگى كەزدە قازاقستاندا ۆولونتەرلىك پەن قايىرىمدىلىق بەلسەندى تۇردە دامىپ كەلەدى»، - دەپ جازدى ايدا بالايەۆا جەلىدەگى پاراقشاسىندا.
ءمينيستردىڭ ايتۋىنشا، قايىرىمدىلىق شارالارى الاياقتىقپەن مەن پايداكۇنەمدىك ارەكەتتەرگە دە قولايلى جاعداي تۋعىزادى.
«سوندىقتان بارلىق قازاقستاندىقتاردى قايىرىمدىلىق كومەك وپەراتورلارىن مۇقيات زەرتتەۋگە جانە تەك تەكسەرىلگەن ءارى سەنىمدى سەرىكتەستەرمەن عانا جۇمىس ىستەۋگە شاقىرامىن»، - دەيدى ۆەدومستۆو باسشىسى.
بۇعان دەيىن ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ ءجۇرىپ جاتقانىن حابارلاعان ەدىك. ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1,5 ميلليارد تەڭگەدەن استام قاراجاتتى جىمقىردى دەپ كۇدىكتەلۋدە.
ودان بولەك، ايدا بالايەۆا قايىرىمدىلىق ماقساتىندا اقشا جيناۋدى رەتتەۋ كەرەكتىگىن ايتقان ەدى.
اۆتور
داۋلەت ىزتىلەۋ
