قايرات ساتىبالدىنىڭ ايەلىن تەرگەۋ اياقتالدى

استانا. قازاقپارات - ازاتتىق رۋحى انتيكور گ. ساتىبالدىعا قاتىستى ءىستى سوتقا جىبەردى. بۇل تۋرالى انتيكوردىڭ باسپا ءسوز قىزمەتى حابارلادى.

اگەنتتىك گ.ساتىبالدى مەن باسقا دا ادامدارعا قاتىستى كاسىپكەردى زاڭسىز باس بوستاندىعىنان ايىرۋ، اسا ءىرى مولشەردە بوپسالاۋ جانە اۋىر زارداپتارعا اكەپ سوققان وزىنشە بيلىك ەتۋ كۇدىگى بويىنشا تەرگەۋدى اياقتادى.

قازىرگى ۋاقىتتا پروتسەسكە قاتىسۋشىلار قىلمىستىق ءىس ماتەريالدارىمەن تانىسۋدى اياقتادى. الماتى قالاسى تەرگەۋ سوتىنىڭ سانكسياسىمەن گ. ساتىبالدىعا قاتىستى «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى. قىلمىستىق ءىس ءمانى بويىنشا قاراۋ ءۇشىن الماتى قالاسىنىڭ مامانداندىرىلعان اۋدانارالىق قىلمىستىق سوتىنا جولداندى. قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

24.kz