قايرات كەمالوۆ حالىقارالىق كينوفەستيۆالدە ۇزدىك اكتەر اتاندى

қайрат кемалов
Фото: Қайрат Кемаловтың жеке мұрағатынан

استانا. KAZINFORM - اكتەر، قازاقستاننىڭ ەڭبەك سىڭىرگەن قايراتكەرى قايرات كەمالوۆ حالىقارالىق كينوفەستيۆالدىڭ جەڭىمپازى اتاندى.

YARHA Festival حالىقارالىق كينوفەستيۆالى كامەرۋن استاناسى ياۋندە قالاسىندا وتكەن.

جەرلەسىمىز «اق بوز ءۇي» فيلمىندەگى پاحراددين وبرازى ءۇشىن «ۇزدىك ەر ادام بەينەسى» اتالىمى بويىنشا ۇزدىك دەپ تانىلدى.

Қайрат Кемалов
Фото: Қайрат Кемаловтың жеке мұрағатынан

«بۇل مەن ءۇشىن كۇتپەگەن جاعداي بولدى. جالپى «اق بوز ءۇي» فيلمى جارىققا شىققالى بەرى حالىقارالىق كينوفەستيۆالدەرگە ءجيى شاقىرىلىپ ءجۇر. فيلم 20-عاسىردىڭ باسىنداعى قازاق حالقى كورگەن قيىن-قىستاۋ زامان مەن اشارشىلىق جايىندا. جاقىندا وسى فيلمنىڭ رەجيسسەرىن جانە مەنى بىرىككەن اراب امىرلىگىنە شاقىرعان، وعان دەنساۋلىعىم سىر بەرىپ بارا المادىم»، - دەدى قايرات كەمالوۆ.

اكتەردىڭ ايتۋىنشا، «اق بوز ءۇي» فيلمىن كامەرۋنداعى حالىقارالىق كينوفەستيۆالگە «قازاق فيلم» ا ق ۇسىنعان.

қайрат кемалов
Фото: Қайрат Кемаловтың жеке мұрағатынан

«بۇل فيلمنىڭ فەستيۆالگە قاتىسىپ جاتقانىن بىلمەيدى ەكەنمىن. قازاق فيلمنەن فيلم رەجيسسەرى حابارلاسىپ، ۇزدىك اكتەر اتاندىڭ دەپ ءسۇيىنشى سۇرادى. جۇلدە ءالى كامەرۋننان كەلگەن جوق، تەك سۋرەتىن جىبەردى. بۇعان دەيىن بىلتىر تۇركيانىڭ بۋرسا قالاسىندا وتكەن KORKUT ATA تۇركى الەمى كينوفەستيۆالىندە «ۇزدىك ەر ادام بەينەسى» اتالىمى بويىنشا جەڭىمپاز دەپ تانىلدىم»، - دەيدى ول.

марапат
Фото: Қайрат Кемаловтың жеке мұрағатынан

سونداي- اق، قايرات كەمالوۆ 40 جىلدان استام تەاتر ءارتىسى بولعانىن ايتتى، كينوعا سوڭعى جىلدارى كەلگەن.

بۇعان دەيىن رەجيسسەر رۇستەم ءابدىراشتىڭ «قازاق حاندىعى» فيلمىندە كەرەي حاننىڭ ءرولىن سومداعان.

ايتا كەتەيىك، «اق بوز ءۇي» فيلمى قازاقستاننىڭ ەڭبەك سىڭىرگەن قايراتكەرى، جازۋشى، كينودراماتۋرگ سماعۇل ەلۋبايدىڭ «اق بوز ءۇي» رومانىنىڭ جەلىسى بويىنشا تۇسىرىلگەن.

كينوكارتينا وتكەن عاسىردىڭ 30-جىلدارىندا قازاق اۋىلىنىڭ باسىنا تۇسكەن سىناق، ياعني ومىردە بولعان وقيعانى باياندايدى.

رەجيسسەر ب. ەلۋبايدىڭ فيلمى ءبىر وتباسىنىڭ تاريحىنا توقتالىپ، اكتەر قايرات كەمالوۆ ءبي پاحرادديننىڭ ءرولىن سومدادى.

اۆتور

داۋلەت ىزتىلەۋ

سوڭعى جاڭالىقتار