قايرات بورانبايەۆ الماتىداعى ءىرى ساۋدا ورتالىعى مەن ءبىرقاتار نىساندى مەملەكەتكە قايتاردى

Алматы
Фото: Фото: marden.kz

«قارجىلىق مونيتورينگ اگەنتتىگى قايرات بورانبايەۆتىڭ مۇلكىن مەملەكەت مەنشىگىنە قايتارۋ شارالارىن جۇرگىزىپ جاتىر.

مەملەكەت كىرىسىنە جالپى قۇنى 33,75 ميلليارد تەڭگە بولاتىن كەڭسە، ساۋدا جانە ويىن- ساۋىق كەشەنى، سونداي- اق ساۋىقتىرۋ جانە فيتنەس جەلىسى ءوتتى.

اتاپ ايتقاندا، وڭتۇستىك مەگاپوليستىڭ ورتالىعىندا ورنالاسقان «المالى» ساۋدا ورتالىعىنىڭ عيماراتى، سونداي- اق جالعا بەرۋ جانە مۇلىكتى باسقارۋمەن اينالىساتىن «Unity Hall» ج ش س.

«الماتى تاۋەرس» بيزنەس ورتالىعىندا ورنالاسقان نىساننىڭ اۋدانى 11 مىڭ شارشى مەتردەن اسادى.

Фото: из открытых источников

(«المالى» ساۋدا ورتالىعى)

سونداي- اق، «Fitnation» فيتنەس كلۋبتار جەلىسى مەملەكەت مەنشىگىنە ءوتتى»، - دەلىنگەن اگەنتتىك حابارلاماسىندا.

ءمالىم ەتىلگەندەي، اتالعان نىساندار استانا، الماتى جانە قوستاناي قالالارىندا ورنالاسقان. ەندى ول نىساندار قولدانىستاعى زاڭناماعا سايكەس دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرا وتىرىپ، الەۋمەتتىك ماقساتتارعا پايدالانىلاتىن بولادى.

قارجىلىق مونيتورينگ اگەنتتىگى اكتيۆتەردى قايتارۋ جۇمىستارى جالعاسىپ جاتقانىن ءمالىم ەتتى.

ەسكە سالايىق، كەشە قايرات بورانبايەۆقا وزىنە قاتىستى جۇرگىزىلىپ جاتقان تەرگەۋ امالدارى اياسىندا ءوز ەركىمەن ءبىلىم بەرۋ ينفراقۇرىلىمىن قولداۋ قورىنا 30 ميلليارد تەڭگەدەن استام قارجى اۋدارعان بولاتىن.

ونىڭ الدىندا بورانبايەۆ قۇنى 1,4 ميلليارد تەڭگە بولاتىن قوناق ءۇيىن، سونداي- اق 90 ميلليارد تەڭگەدەن استام سومانى قۇرايتىن اكتيۆتەردى مەملەكەتكە قايتاردى.

қайрат боранбаев
Фото: Фото: ашық дереккөзден

 

2022 -جىلى 17 -ناۋرىزدا سوتتىڭ شەشىمىمەن قايرات بورانبايەۆ 2 ايعا قامالعان ەدى.

كەيىن قايرات ساتىبالدى مەن قايرات بورانبايەۆتىڭ سىرتقا زاڭسىز شىعارىلعان اكتيۆتەرى قايتارىلا باستاعانى حابارلاندى.

استانادا سوت وتىرىسى بىلتىر 30 - جەلتوقساندا باستالدى.

سوت شەشىمىمەن قايرات بورانبايەۆقا 8 جىلعا باس بوستاندىعىنان ايىرۋ جازاسى تاعايىندالدى. كەيىن سوتتا بۇل ۇكىم قايتا قارالىپ، مۇلكىن تاركىلەۋ جانە جازانى ەكى جىلعا قىسقارتۋ بەلگىلەندى.

كەيىن سوت قايرات بورانبايەۆتىڭ تەرگەۋ ورگاندارىمەن مامىلەگە كەلۋىن قاناعاتتاندىردى.

قارجى ءمينيسترى ەرۇلان جاماۋبايەۆ بورانبايەۆتىڭ تاركىلەنگەن مۇلكى قايدا باعىتتالاتىنىن ايتقان بولاتىن.

اۆتور

گۇلميرا الياكپاروۆا

سوڭعى جاڭالىقتار