قاتەرلى ىسىكتى ەمدەيتىن وتاندىق ءدارى رەسمي تىركەۋدەن وتەدى

استانا. KAZINFORM - قازاقستاندا جاسالعان قاتەرلى ىسىككە قارسى ءدارى بيىل رەسمي تۇردە تىركەلىپ، نارىققا شىعۋى مۇمكىن، دەپ حابارلايدى 24kz.

مۇنى ۇكىمەتتە وتكەن بريفينگتە عىلىم جانە جوعارى ءبىلىم ءمينيسترى مالىمدەدى. ساياسات نۇربەكتىڭ ايتۋىنشا، پرەپاراتقا قاتىستى قازىر ءتيىستى سىناقتار جۇرگىزىلۋدە. بىلتىر تەك توق ىشەك وبىرىنا قارسى ءدارى تەستىلەنگەن. ال بۇگىندە ونكولوگيالىق اۋرۋدىڭ بارلىق ءتۇرى قامتىلىپ وتىر. زەرتتەۋلەردىڭ ناتيجەسى «تۇراقتى» دەپ باعالانادى. «ال وعان قاتىسقان ناۋقاستاردىڭ رەاكسياسى جامان ەمەس»، - دەيدى مينيستر.

ساياسات نۇربەك، ق ر عىلىم جانە جوعارى ءبىلىم ءمينيسترى:

- بىلتىر سىناقتاردىڭ ءبىرىنشى دەڭگەيىن اياقتادىق. كەيىن بىردەن ەكىنشىسىن باستاپ كەتتىك. قازىر زەرتتەۋلەرگە قاتىساتىن ناۋقاستاردىڭ سانى ارتىپ وتىر. ورتاشا ەسەپپەن العاندا قاتەرلى ىسىكتەردىڭ كولەمى %30- كە ازايدى. ال ارنايى پروتسەدۋرامەن تەستىلەۋگە قاتىسقان ناۋقاستاردا رەميسسيا باستالىپ جاتىر. ناتيجەلەر وتە جاقسى دەپ ايتا الامىز. سوندىقتان جىل سوڭىنا دەيىن قاتەرلى ىسىككە قارسى ءدارىنى رەسمي تىركەپ، ونى نارىققا شىعارۋ كوزدەلدى.