قاتاردا ءولىم جازاسىنا كەسىلگەن ءۇندىستان ازاماتتارى بوساتىلدى
دوحا. KAZINFORM - قاتاردا تىڭشىلىق جاسادى دەگەن ايىپپەن تۇتقىندالىپ، ءولىم جازاسىنا كەسىلگەن سەگىز ءۇندىستاندىق بوساتىلدى. بۇل تۋرالى CNN حابارلادى.
2022-جىلدىڭ تامىز ايىندا قاتاردا ءبىر توپ ءۇندى ازاماتى يزرايلگە تىڭشىلىق جاسادى دەگەن ايىپپەن قاماۋعا الىندى. 2023-جىلدىڭ قازان ايىندا قاتار سوتى سەگىز ازاماتتى ءولىم جازاسىنا كەستى.
ءۇندىستان بارلىق تۇتقىنداردىڭ وتباسىلارىمەن بايلانىستا ەكەنىن جانە قاتار ۇكىمەتىمەن ۇكىمدى تالقىلاپ جاتقانىن ايتتى. جەلتوقسان ايىندا مينيسترلىك جازالاردىڭ قىسقارتىلعانىن، جاقىن ارادا جازانىڭ وزگەرۋى مۇمكىن ەكەنىن ايتقان.
- ءۇندىستان ۇكىمەتى قاتاردا قاماۋعا الىنعان Dahra Global كومپانياسىندا جۇمىس ىستەيتىن سەگىز ءۇندى ازاماتىنىڭ بوساتىلۋىن قۇپتايدى. ولاردىڭ جەتەۋى ءۇندىستانعا ورالدى، - دەلىنگەن ءۇندىستان سىرتقى ىستەر مينيسترلىگىنىڭ دۇيسەنبىدەگى مالىمدەمەسىندە.
ءۇندىستان قاتار ءامىرىنىڭ بۇل ازاماتتاردى بوساتىپ، ۇيلەرىنە قايتۋىنا رۇقسات بەرۋ شەشىمىنە ريزاشىلىعىن ءبىلدىردى.
اۆتور
جاراسقان نۇرىبايەۆ
