قاتار يزرايل مەن حاماس- قا گازا سەكتورىنداعى اتىستى توقتاتۋ تۋرالى كەلىسىمنىڭ سوڭعى جوباسىن ۇسىندى

استانا. KAZINFORM - بۇل تۋرالى Kazinform اگەنتتىگىنىڭ مەنشىكتى ءتىلشىسى Reuters اقپاراتى بويىنشا كەلىسسوزدەردىڭ بارىسى تۋرالى حابارى بار شەنەۋنىككە سىلتەمە جاساپ حابارلايدى.

Қатар Израиль мен ХАМАС-қа Газа секторындағы атысты тоқтату туралы келісімнің соңғы жобасын ұсынды
Фото: @bringhomenow

ونىڭ ايتۋىنشا، ءتۇن ورتاسىنان كەيىن دوحادا يزرايل كەلىسسوزدەر توبى، ا ق ش- تىڭ جاڭا سايلانعان پرەزيدەنتى دونالد ترامپتىڭ تاياۋ شىعىستاعى ارنايى وكىلى جانە قاتاردىڭ پرەمەر- ءمينيسترى اراسىنداعى كەلىسسوزدەر بويىنشا سەرپىلىس بولدى.

The Times of Israel- ءدىڭ حابارلاۋىنشا، يزرايل شەنەۋنىكتەرى تۇندە سەرپىلىس بولعانىن جانە حاماس ماقۇلداعان جاعدايدا كەلىسىم جاقىن ارادا جاسالادى.

يزرايلدىڭ 12- ارناسىنىڭ رەپورتاجىنا سايكەس، كەپىلگە الىنعان ادامداردى بوساتۋ، ىقتيمال اتىستى توقتاتۋ تۋرالى كەلىسىمنىڭ ەگجەي-تەگجەيى كەلىسىلگەن، دەلدالدار پالەستينا توبىنىڭ تۇپكىلىكتى ماقۇلداۋىن كۇتىپ وتىر.

Associated Press اگەنتتىگىنىڭ حابارلاۋىنشا، حالىقارالىق دەلدالدار ءبىر تۇندە كەلىسىمگە قول قويۋ جولىندا ايتارلىقتاي جەتىستىككە جەتكەن، دەگەنمەن شەنەۋنىكتەر رەسمي تۇردە كەلىسىمگە ءالى قول قويماعان.

ءۇش شەنەۋنىك انونيمدى تۇردە قول جەتكىزىلگەن پروگرەستى مويىندايدى جانە الداعى كۇندەرى 15 ايلىق اسكەري قيمىلداردى توقتاتۋ ءۇشىن وتە ماڭىزدى بولادى دەپ سانايدى. سول سياقتى اتالعان ءۇش شەنەۋنىكتىڭ ءبىرى جانە حاماس وكىلى ءالى دە ءبىرقاتار كەدەرگىنى جەڭۋ كەرەك دەيدى.

سونىمەن قاتار حاماس وكىلى تاعى ءبىرقاتار داۋلى ماسەلەنى شەشۋدى تالاپ ەتەدى، سونىڭ ىشىندە يزرايلدىڭ سوعىستى توقتاتۋ مىندەتتەمەسى جانە يزرايل اسكەرلەرىنىڭ شىعارىلۋى مەن كەپىلگە الىنعان ادامداردى پالەستينالىق تۇتقىندارعا ايىرباستاۋدىڭ ەگجەي-تەگجەيىن شەشۋدى تالاپ ەتىپ وتىر.

دەلدالداردىڭ ءبىتىم جاساۋداعى قادامدارى

حالىقارالىق دەلدالدار - قاتار، ەگيپەت جانە ا ق ش 20-قاڭتاردا سايلانعان پرەزيدەنت دونالد ترامپ قىزمەتكە كىرىسكەنگە دەيىن وتارلاعان اۋماقتاردا اسكەري قيمىلداردى توقتاتۋ جانە كەپىلگە الىنعان قالعان ادامداردى بوساتۋ تۋرالى كەلىسىمگە كەلۋ ءۇشىن كۇش سالۋدا.

ا ق ش پرەزيدەنتى دجو بايدەن جەكسەنبىدە يزرايل پرەمەر-ءمينيسترى بەنيامين نەتانياحۋمەن اڭگىمەلەستى. يزرايل پرەمەرىمەن تەلەفون ارقىلى سويلەسكەن كەزدە ول اتىستى دەرەۋ توقتاتۋعا شاقىردى.

جەكسەنبىدە يزرايل پرەمەر- ءمينيسترىنىڭ باسپا ءسوز حاتشىسى بەنيامينا نەتانياحۋ يزرايلدىڭ قاۋىپسىزدىك جونىندەگى جوعارى لاۋازىمدى دەلەگاتسياسى كەلىسسوزدەرگە قاتىسۋ ءۇشىن قاتارعا كەلگەنىن حابارلادى. دەلەگاتسيا قۇرامىنا «موسساد» باسشىسى دەۆيد بارنەا، «شين بەت» ىشكى قاۋىپسىزدىك قىزمەتىنىڭ باسشىسى رونەن بار جانە كەپىلگە الۋ جونىندەگى اسكەري تەرگەۋ كوميتەتىنىڭ باسشىسى نيتسان الون كىردى.

ترامپتىڭ تاياۋ شىعىستاعى ارنايى وكىلى ستيۆ ۆيتكوفف سوڭعى كۇندەرى قاتار پرەمەر-ءمينيسترى شەيح مۇحاممەد بەن ابدۋلراحمان ال تانيمەن جانە نەتانياحۋمەن كەزدەسۋلەر وتكىزدى.

بەيسەنبىدەن باستاپ يزرايل مەن پالەستينا شەنەۋنىكتەرى يزرايل مەن حاماس توبى اراسىنداعى جاناما كەلىسسوزدەردە بەلگىلى ءبىر دەڭگەيگە قول جەتكىزىلگەنىن، ءبىراق كەلىسسوزدىڭ ەگجەي-تەگجەيى ايتىلماعانىن حابارلادى. تاراپتار كەلىسىمنىڭ شارتتارىن وتە قۇپيا ۇستايدى.

ازىرگە تاراپتاردىڭ وسىعان دەيىن ەكىجاقتى شەشىلمەي كەلە جاتقان كەلىسپەۋشىلىكتەردى قالاي رەتتەيتىنى بەلگىسىز، ايتار بولساق، حاماس سوعىستى توقتاتۋدى تالاپ ەتەدى، ال حاماس گازا سەكتورىندا بيلىك جۇرگىزىپ، يزرايلدىكتەرگە قاۋىپ توندىرگەن كەزدە يزرايل سوعىستى توقتاتپايتىنىن ايتادى.

داۋلەت ىزتىلەۋ

اۆتور

سوڭعى جاڭالىقتار