قاڭتار ايىندا تەڭگە نىعايدى - ۇلتتىق بانك
قاڭتار ايىنىڭ قورىتىندىسى بويىنشا تەڭگە باعامى 1 ا ق ش دوللارى ءۇشىن 518,2 تەڭگەگە دەيىن 1,3 پايىزعا نىعايدى. بۇل تۋرالى ۇلتتىق بانكتەن حابارلادى.

دەرەككە قاراعاندا، قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 254 ميلليون ا ق ش دوللارىنان 227 ميلليون ا ق ش دوللارىنا دەيىن تومەندەدى. ساۋدا-ساتتىقتىڭ جالپى كولەمى 4,5 ميلليارد ا ق ش دوللارىن قۇرادى.
- قاڭتار ايىندا ۇلتتىق قوردان 850 ميلليون ا ق ش دوللارىنا ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرتتەر بولۋگە، سونداي-اق «تالدىقورعان-ءۇشارال» ماگيسترالدىق گاز قۇبىرىن سالۋعا باعىتتالعان ينفراقۇرىلىمدىق جوبانى قارجىلاندىرۋعا مۇمكىندىك بەردى.
ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ %19- ىن نەمەسە كۇنىنە شامامەن 43 ميلليون ا ق ش دوللارىن قۇرادى. ۇلتتىق بانك ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە نارىقتىق بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جانە بىركەلكى ساتۋدى بىلدىرەدى، - دەپ جازدى ۆەدومستۆودان.
ۇلتتىق بانك ۇكىمەتتىڭ الدىن الا بولجامدى وتىنىمدەرى بويىنشا رەسپۋبليكالىق بيۋدجەتكە ترانسفەرت بولۋگە اقپاندا ۇلتتىق قوردان 550 ميلليون ا ق ش دوللارىنان 650 ميلليون ا ق ش دوللارىنا دەيىنگى مولشەردە ۆاليۋتا ساتىلادى دەپ كۇتەدى.
ۇلتتىق بانك قاڭتاردا زەينەتاقى اكتيۆتەرىنىڭ ينۆەستيتسيالىق پورتفەلىنە ا ق ش دوللارىن ساتىپ العان جوق. اقپاندا ب ج ز ق-عا ۆاليۋتا ساتىپ الۋ جوسپارلانبايدى.
قاڭتار ايىندا ۇلتتىق بانك وتاندىق التىن ءوندىرۋشى كاسىپورىنداردان بۇرىن ساتىپ الىنعان التىندى ساتۋدان تۇسكەن ا ق ش دوللارىن ىشكى ۆاليۋتا نارىعىندا ساتۋ كوزدەلەتىن تەڭەستىرۋ تەتىگىن ەندىرۋگە شەشىم قابىلدادى. وسى شەشىم اياسىندا قاڭتاردا 244 ميلليارد تەڭگە ازايتىلدى. اقپاندا وسى ماقساتتا بالاماسىندا شامامەن 250 ميلليارد تەڭگە كولەمىندە ۆاليۋتا ساتۋ كۇتىلەدى.
ۇلتتىق بانك ترانسپارەنتتىلىك قاعيداتى اياسىندا ۆاليۋتا نارىعىندا جۇرگىزىلەتىن وپەراتسيالار تۋرالى تولىق اقپاراتتى اشىپ كورسەتۋدى جالعاستىرادى. قىسقامەرزىمدى پەرسپەكتيۆادا تەڭگەنىڭ ديناميكاسى نارىققا قاتىسۋشىلاردىڭ كۇتۋلەرىنە، توقساندىق سالىق تولەمدەرىنە، الەمدىك نارىقتارداعى احۋالعا جانە گەوساياسي جاعدايدىڭ وزگەرۋىنە بايلانىستى بولادى. ۇلتتىق بانك تەڭگەرىمسىزدىكتىڭ جيناقتالۋىن بولدىرمايتىن جانە التىن- ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانا بەرەدى.
ايتا كەتەيىك، ۇلتتىق بانك 1,5 ميلليارد تەڭگەنىڭ الاياقتىققا ءتان ترانزاكسيالارىن بۇعاتتادى.