قاسيەتتى مەدينا قالاسىن سۋ باستى

استانا. قازاقپارات- قاسيەتتى قالا مەدينانىڭ كوشەلەرى كولگە اينالدى. وعان تولاسسىز جاۋىن سەبەپ. سونىڭ سالدارىنان شاھاردىڭ ينفراقۇرىلىمىنا ايتارلىقتاي زيان كەلگەن.

قازىر بيلىك وكىلدەرى تۇرعىنداردى مەيلىنشە اباي بولۋعا شاقىرىپ جاتىر. ايتا كەتەيىك، مەدينا ءشولدى ايماقتا ورنالاسقاندىقتان، درەناج جۇيەسى مۇلدەم قاراستىرىلماعان.

توپەلەپ جاۋعان جاڭبىردان بىرنەشە وڭىردە كوشەلەر كولگە اينالدى. ولاردىڭ ىشىندە ەل استاناسى ءار- رياد قالاسى دا بار. تابيعي اپاتقا بايلانىستى ءبىرقاتار پروۆينتسيادا قاۋىپتىڭ قىزىل دەڭگەيى جاريالانعان. بالاباقشالار مەن مەكتەپتەر جۇمىس ىستەمەيدى. جەرگىلىكتى مەتەورولوگيالىق قىزمەت وكىلدەرىنىڭ حابارلاۋىنشا، ەلدىڭ ءبىراز بولىگىندە ەكپىندى جەل مەن نوسەر ءالى دە ساقتالادى. ساۋد ارابياسى پارسى شىعاناعىندا تاسقىننان زارداپ شەككەن جالعىز مەملەكەت ەمەس. وتكەن ايدا وماندا توپان سۋدان 21 ادام، بىرىككەن اراب امىرلىكتەرىندە 4 ازامات وپات بولدى.

انكارادا نوسەر جاۋىن قۇيدى توپەلەپ جاۋعان جاڭبىردان تۇركيا استاناسى انكارادا دا تاسقىن ءجۇردى. سونىڭ سالدارىنان عيماراتتارعا سۋ كىردى. بىرنەشە اۋداندا ەلەكتر قۋاتى جوق. بۇدان بولەك، قالادا كولىك قوزعالىسى قيىنداعان. تاسقىن كەسىرىنەن قازىر كەي جولدار جابىق تۇر. ازىرگە اۋا رايىنىڭ قولايسىزدىعىنان ناقتى قانشا ادامنىڭ زارداپ شەككەنى بەلگىسىز. جەدەل جەلىگە ءبىر تاۋلىك ىشىندە 1500 قوڭىراۋ كەلىپ تۇسكەن.

24.kz