قاسىم-جومارت توقايەۆ گۆينەيا-بيساۋ پرەزيدەنتىن قازاقستانعا رەسمي ساپارمەن كەلۋگە شاقىردى
استانا. KAZINFORM - قاسىم-جومارت توقايەۆ گۆينەيا-بيساۋ پرەزيدەنتى ۋمارۋ سيسوكۋ ەمبالومەن تەلەفون ارقىلى سويلەستى. اڭگىمەلەسۋ بارىسىندا مەملەكەتتەر باسشىلارى قازاقستان مەن گۆينەيا- بيساۋ اراسىنداعى قارىم- قاتىناستىڭ دامۋ پەرسپەكتيۆاسىن تالقىلادى.
بۇل تۋرالى اقوردانىڭ باسپا ءسوز قىزمەتى ءمالىم ەتتى.
پرەزيدەنتتەر ەكىجاقتى ىنتىماقتاستىقتى نىعايتۋعا بەيىل ەكەندەرىن راستاپ، ءوزارا ىقپالداستىقتىڭ باسىم باعىتتارىن قاراستىردى.
قاسىم-جومارت توقايەۆ ۋمارۋ سيسوكۋ ەمبالونى وزىنە قولايلى ۋاقىتتا قازاقستانعا رەسمي ساپارمەن كەلۋگە شاقىردى.
سونداي-اق پرەزيدەنتتەر حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقايەۆ چەحيانىڭ سىرتقى ىستەر ءمينيسترى يان ليپاۆسكيدى قابىلداعانىن جازعان بولاتىنبىز.
