قاسىم- جومارت توقايەۆ تۇرىكمەنستان حالقىن تاۋەلسىزدىك كۇنىمەن قۇتتىقتادى

مەملەكەت باسشىسى قاسىم- جومارت توقايەۆ پرەزيدەنت سەردار بەردىمۇحامەدوۆتى جانە تۇرىكمەنستان حالقىن تاۋەلسىزدىك كۇنىمەن قۇتتىقتادى. قازاقپارات بۇل تۋرالى اقورداعا سىلتەمە جاساپ حابارلايدى.

Президент
Фото: Ақорда матбуот хизмати

«قازاقستاندىقتار تۇرىكمەنستاننىڭ زور جەتىستىكتەرىنە شىن نيەتپەن تىلەۋلەس جانە ەكى ەل اراسىنداعى عاسىرلار بويى جالعاسىپ كەلە جاتقان دوستىق، تاتۋ كورشىلىك قاتىناستار مەن جان- جاقتى ىنتىماقتاستىقتى نىعايتۋعا ەرەكشە ءمان بەرەدى»، - دەپ جازىلعان جەدەلحاتتا.

مەملەكەت باسشىسى ءوزارا بىرلەسكەن كۇش- جىگەردىڭ ناتيجەسىندە قازاق- تۇرىكمەن ستراتەگيالىق سەرىكتەستىگىنىڭ كوكجيەگى كەڭەيىپ، كوپجاقتى قارىم- قاتىناستىڭ دامۋ قارقىنى ارتا تۇسەتىنىنە سەنىم ءبىلدىردى.

قاسىم- جومارت توقايەۆ سەردار بەردىمۇحامەدوۆتىڭ جاۋاپتى مەملەكەتتىك قىزمەتىنە تابىس، ال باۋىرلاس تۇرىكمەنستان حالقىنا باق- بەرەكە تىلەدى.

اۆتور

گۇلميرا الياكپاروۆا

سوڭعى جاڭالىقتار