12:41, 25 - ماۋسىم 2024 | GMT +5
قاسىم-جومارت توقايەۆ پرەزيدەنت ناتاشا پيرتس مۋساردى سلوۆەنيانىڭ ۇلتتىق كۇنىمەن قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ سلوۆەنيانىڭ ۇلتتىق كۇنىنە وراي پرەزيدەنت ناتاشا پيرتس مۋسارعا قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
- قازاقستان مەن سلوۆەنيا اراسىنداعى ءداستۇرلى دوستىق پەن ءوزارا قولداۋعا نەگىزدەلگەن ىنتىماقتاستىق جىلدان-جىلعا نىعايىپ كەلە جاتقانى ەرەكشە قۋانتادى. بولاشاقتا دا سان قىرلى قازاق-سلوۆەن ىقپالداستىعى حالىقتارىمىزدىڭ يگىلىگى ءۇشىن قارقىندى دامي بەرەتىنىنە زور ءۇمىت ارتامىن، - دەپ جازىلعان جەدەلحاتتا.
وسى مۇمكىندىكتى پايدالانا وتىرىپ، مەملەكەت باسشىسى سلوۆەنيا پرەزيدەنتىنە جانە ونىڭ حالقىنا باق-بەرەكە تىلەدى.
اۆتور
