19:46, 18 - مامىر 2024 | GMT +5
قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى
استانا. KAZINFORM - پرەزيدەنت ۆلاديمير پۋتينمەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەتتەر باسشىلارى قازاقستان مەن رەسەي اراسىنداعى ستراتەگيالىق سەرىكتەستىك جانە وداقتاستىق رۋحىنداعى قاتىناستاردى ودان ءارى نىعايتۋعا نيەتتى ەكەنىن راستادى. سونداي-اق بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى ەكى ەل ۇكىمەتتەرىنىڭ ساپالى جۇزەگە اسىرۋى ماڭىزدى ەكەنى اتاپ ءوتىلدى.
سونىمەن قاتار پرەزيدەنتتەر وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. اڭگىمەلەسۋ بارىسىندا ۆلاديمير پۋتين قاسىم-جومارت توقايەۆتى وتكەن تۋعان كۇنىمەن قۇتتىقتادى.
