قاسىم-جومارت توقايەۆ ۆلاديمير پۋتينمەن تەلەفون ارقىلى سويلەستى
استانا. KAZINFORM - مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
اڭگىمەلەسۋ بارىسىندا مەملەكەتتەر باسشىلارى ستراتەگيالىق سەرىكتەستىك پەن وداقتاستىق رۋحىنداعى ەكىجاقتى ءارى كوپ جوسپارلى ىنتىماقتاستىقتىڭ قارقىندى دامىپ كەلە جاتقانىنا نازار اۋداردى.
تاراپتار رەسەي پرەزيدەنتىنىڭ بىلتىر قاراشا ايىندا استاناعا جاساعان رەسمي ساپارى جانە قاسىم-جومارت توقايەۆتىڭ جۋىردا قازان قالاسىنا جۇمىس ساپارى اياسىندا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى. سونىمەن قاتار ەنەرگەتيكا، ترانزيت جانە لوگيستيكا سالالارىنداعى بىرلەسكەن جوبالاردى ءتيىمدى تۇردە ىلگەرىلەتۋ ماڭىزدى ەكەنى اتاپ ءوتىلدى.
مەملەكەتتەر باسشىلارى حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
اۆتور
ەربول جانات
