قاسىم-جومارت توقايەۆ كورەيا پرەزيدەنتىن اۋەجايدان شىعارىپ سالدى

استانا. KAZINFORM - پرەزيدەنت قاسىم-جومارت توقايەۆ ەلىمىزگە مەملەكەتتىك ساپارى اياقتالعان كورەيا رەسپۋبليكاسىنىڭ پرەزيدەنتى يۋن سوك يەلگە قۇرمەت كورسەتىپ، ەلوردا اۋەجايىنان شىعارىپ سالدى.

Қазақстан Президенті
Фото: akorda.kz

بۇل تۋرالى اقوردانىڭ باسپا ءسوز قىزمەتى حابارلادى.

ايتا كەتەيىك، كەشە، 12-ماۋسىم كۇنى قاسىم-جومارت توقايەۆ اقوردادا كورەيا رەسپۋبليكاسىنىڭ پرەزيدەنتى يۋن سوك يەلدى قارسى الدى.

Астана әуежайы
Фото: akorda.kz

قاسىم-جومارت توقايەۆ پەن يۋن سوك يەل شاعىن قۇرامدا جانە كەڭەيتىلگەن قۇرامدا كەلىسسوز جۇرگىزدى.

يۋن سوك يەل كورەيا مەن ورتالىق ازيا ەلدەرى ىنتىماقتىڭ جاڭا جولىن تابۋعا ۇمتىلاتىنىن ايتتى.

Kazakh President
Photo credit: akorda.kz

كورەيا مەن قازاقستان سيرەك كەزدەسەتىن مەتالدار ءوندىرىسى سالاسىنداعى سەرىكتەستىكتى دامىتاتىن بولدى.

سونداي- اق قازاقستاندا وڭتۇستىك كورەيالىق كولىكتەردىڭ بولشەكتەرى وندىرىلەدى.

Оңтүстік Корея Президентін шығарып салу
Фото: akorda.kz

قاسىم- جومارت توقايەۆ قازاقستاننىڭ وڭتۇستىك كورەياعا شيكىزات پەن ماتەريال جەتكىزەتىن سەنىمدى سەرىكتەسى بولاتىنىن جەتكىزدى.

وڭتۇستىك كورەيا قازاقستانعا «اقىلدى فەرما» تەحنولوگياسىن ۇسىندى.

قازاقستان مەن كورەيا 11 ماڭىزدى قۇجاتقا قول قويدى.

سوڭعى جاڭالىقتار