قاسىم-جومارت توقايەۆ كورول ۆيللەم-الەكساندردى نيدەرلاندتىڭ ۇلتتىق مەرەكەسىمەن قۇتتىقتادى
استانا. KAZINFORM - مەملەكەت باسشىسى جەدەلحاتتا كورول كۇنى مەرەكەسىندە كورىنىس تاپقان ۇلتتىق ىنتىماق پەن بىرلىك قۇندىلىقتارىنىڭ ارقاسىندا نيدەرلاند الداعى ۋاقىتتا دا ءوسىپ-وركەندەي بەرەتىنىنە سەنىم ءبىلدىردى. بۇل تۋرالى اقوردانىڭ باسپا ءسوز قىزمەتى حابارلادى.
- قازاقستان - گوللاندىقتاردىڭ ونەرى مەن مادەنيەتىندە تامىر جايعان قىزعالداقتىڭ ءتۇپ وتانى. بۇگىندە ول حالىقتارىمىز اراسىنداعى دوستىقتىڭ سيمۆولىنا اينالدى. ءبىز نيدەرلاندپەن اراداعى ۋاقىت تەزىنەن وتكەن قارىم-قاتىناستى جوعارى باعالايمىز ءارى قوس حالىقتىڭ يگىلىگى ءۇشىن ءتۇرلى سالاداعى سەرىكتەستىكتى ودان ءارى نىعايتۋعا بەيىلمىز، - دەلىنگەن حاتتا.
قاسىم-جومارت توقايەۆ ۆيللەم-الەكساندردىڭ يگى باستامالارىنا تابىس، سونداي-اق كورول وتباسى مەن نيدەرلاند حالقىنا باق-بەرەكە تىلەدى.
