17:05, 06 - قاراشا 2024 | GMT +6
قاسىم-جومارت توقايەۆ دونالد ترامپتى قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ امەريكا قۇراما شتاتتارى پرەزيدەنتىنىڭ سايلاۋىندا ايقىن جەڭىسكە جەتكەن دونالد ترامپقا قۇتتىقتاۋ جەدەلحاتىن جولدادى.
قازاقستان پرەزيدەنتى قاۋىپسىزدىك، يادرولىق قارۋدى تاراتپاۋ، ينۆەستيتسيا سالالارىنداعى ەكىجاقتى ىنتىماقتاستىق دايەكتى تۇردە دامي بەرەتىنىنە سەنىم ءبىلدىردى.
قاسىم-جومارت توقايەۆ دونالد ترامپقا امەريكا حالقىنىڭ ءوسىپ-وركەندەۋى جولىنداعى، سونداي-اق جاھاندىق تۇراقتىلىق پەن قاۋىپسىزدىكتى قامتاماسىز ەتۋدەگى قىزمەتىنە تابىس تىلەدى.
