قاسىم-جومارت توقايەۆ ب ا ءا پرەزيدەنتىن قازاقستانعا ساپارمەن شاقىردى
ق ر پرەزيدەنتى قاسىم-جومارت توقايەۆ بىرىككەن اراب امىرلىكتەرىنىڭ باسشىسى زايد ءال ناحاياندى كەلەر جىلى وتەتىن استانا حالىقارالىق فورۋمىنا شاقىرىپ، بۇل ءىس-شاراعا قاتىسۋىن ەلىمىزگە رەسمي ساپارىمەن ۇشتاستىرۋ مۇمكىندىگىن قاراستىرۋدى سۇرادى.
شاقىرۋ حاتتى ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ ب ا ءا سىرتقى ىستەر ءمينيسترى شەيح ابداللا بەن زايد ءال ناحايانعا ءابۋ- دابيدە تابىستادى.
ق ر س ءى م باسپا ءسوز قىزمەتىنەن ءمالىم ەتكەندەي، م. نۇرتىلەۋ ءوز ارىپتەسىن دۋباي قالاسىندا 30-قاراشا مەن 12-جەلتوقسان ارالىعىندا ءوتىپ جاتقان ب ۇ ۇ- نىڭ كليماتتىڭ وزگەرۋى تۋرالى نەگىزدەمەلىك كونۆەنتسياسىنا قاتىسۋشى مەملەكەتتەردىڭ COP28 كونفەرەنسياسىن ءساتتى ۇيىمداستىرۋىمەن قۇتتىقتادى. سونداي- اق قازاقستان مەن امىرلىكتەردىڭ كليماتتىڭ وزگەرۋىمەن كۇرەستەگى كوشباسشىلىق ساياساتىن اتاپ ءوتىپ، ەلدەرىمىزدىڭ حالىقارالىق باستامالارى مەن ۇلتتىق مىندەتتەمەلەرىنىڭ جوعارى ماڭىزىنا توقتالدى.
ەكىجاقتى ىنتىماقتاستىقتى تالقىلاۋ كەزىندە م. نۇرتىلەۋ امىرلىكتەر قازاقستاننىڭ وڭىردەگى اسا ماڭىزدى سەرىكتەسى ەكەنىن جانە ەلدەرىمىزدى ءداستۇرلى باۋىرلاستىق قاتىناستار بايلانىستىراتىنىن ايتتى.
«تاراپتار ق ر پرەزيدەنتى قاسىم-جومارت توقايەۆتىڭ اعىمداعى جىلدىڭ قاڭتار ايىندا ءابۋ-دابيگە جاساعان رەسمي ساپارى اياسىندا قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىن قاراستىرىپ، ەكى مەملەكەت باسشىلارىنىڭ جاقىن ساياسي ديالوگىنىڭ قازاقستان- امىرلىكتەر كوپسالالى قارىم-قاتىناستارىنىڭ جەمىستى دامۋىنداعى شەشۋشى ماڭىزىمەن كەلىستى»، - دەلىنگەن سىرتقىساياسات ۆەدومستۆوسىنىڭ مالىمەتىندە.
قازاقستان س ءى م باسشىسى امىرلىك ارىپتەسىنە ق ر مەملەكەت باسشىسىنىڭ ب ا ءا پرەزيدەنتى شەيح مۇحاممەد بەن زايد ءال ناحاياننىڭ اتىنا 2024 -جىلى وتەتىن استانا حالىقارالىق فورۋمىنا شاقىرۋ حاتىن تابىستاپ، ونىڭ بۇل ءىس- شاراعا قاتىسۋىن ەلىمىزگە رەسمي ساپارىمەن ۇشتاستىرۋ مۇمكىندىگىن اتاپ ءوتتى.
«كەزدەسۋدە سوڭعى جىلدارى دامىپ كەلە جاتقان ينۆەستيتسيالىق جانە تەحنولوگيالىق ىنتىماقتاستىقتى قولداۋ مەن ساۋدا- ەكونوميكالىق بايلانىستاردى ۇلعايتۋعا باسا نازار اۋدارىلىپ، تاراپتار ەكىجاقتى ساۋدا كولەمىن 1 ميلليارت ا ق ش دوللارىنا جەتكىزۋ ءۇشىن قولدا بار الەۋەتتى بارىنشا پايدالانۋعا كەلىستى.
كەزدەسۋ سوڭىندا م. نۇرتىلەۋ شەيح ابداللانى كەلەسى جىلى رەسمي ساپارمەن استاناعا كەلۋگە شاقىردى.
ەسكە سالايىق، ق ر س ءى م باسشىسى ءابۋ- دابيگە ساپارى اياسىندا كەشە كيپر رەسپۋبليكاسىنىڭ سىرتقى ىستەر ءمينيسترى كونستانتينوس كومبوسپەن كەزدەسۋ وتكىزىپ، ءبىرقاتار ماسەلەنى تالقىلادى. سونىڭ ىشىندە كەلەسى جىلى استانادا كيپر ەلشىلىگىن اشۋ تاقىرىبى بار.
اۆتور
گۇلميرا الياكپاروۆا
