قاسىم-جومارت توقايەۆ اسيف الي زارداريدى پاكىستان پرەزيدەنتى لاۋازىمىنا سايلانۋىمەن قۇتتىقتادى

Ақорда
Фото: Ақорда

استانا. KAZINFORM - مەملەكەت باسشىسى پاكىستان يسلام رەسپۋبليكاسىنىڭ جاڭادان سايلانعان پرەزيدەنتى اسيف الي زارداريگە قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

- ءسىز مول ومىرلىك تاجىريبەڭىز بەن كورەگەن ساياساتىڭىزدىڭ ارقاسىندا ەلىڭىزدىڭ ودان ءارى ءوسىپ-وركەندەۋىنە زور ۇلەس قوساتىنىڭىزعا سەنىمدىمىن. ءبىز پاكىستانمەن اراداعى شىنايى دوستىق پەن ءوزارا قۇرمەتكە نەگىزدەلگەن بەرىك سەرىكتەستىكتى جوعارى باعالايمىز. حالىقتارىمىزدىڭ يگىلىگى ءۇشىن ەكىجاقتى ىنتىماقتاستىقتى نىعايتىپ، جاڭا مۇمكىندىكتەرگە جول اشۋ ءۇشىن وزىڭىزبەن تىعىز قارىم-قاتىناستا جۇمىس ىستەيمىز دەپ ۇمىتتەنەمىن، - دەپ جازىلعان جەدەلحاتتا.

پرەزيدەنت قاسىم-جومارت توقايەۆ اسيف الي زارداريدىڭ باستامالارىنا تابىس، ال پاكىستان حالقىنا باق-بەرەكە تىلەدى.

اۆتور

باقىتگۇل اباي قىزى

سوڭعى جاڭالىقتار