قاسىم- جومارت توقايەۆ «التىن وردا» كۇرىش زاۋىتىنا باردى

Президент
Фото: Фото: Ақорда матбуот хизмати

مەملەكەت باسشىسى قاسىم- جومارت توقايەۆ قىزىلوردا وبلىسىنا جۇمىس ساپارى بارىسىندا «التىن وردا» كۇرىش زاۋىتىنىڭ جۇمىسىمەن تانىستى. Kazinform بۇل تۋرالى اقوردانىڭ باسپا ءسوز قىزمەتىنە سىلتەمە جاساپ حابارلايدى.

كاسىپورىن ديرەكتورى ساعيدۋللا سىزدىقوۆتىڭ ايتۋىنشا، زاۋىت جىلىنا 30 مىڭ توننا اقتالعان كۇرىش وندىرەدى. ءونىمنىڭ باسىم بولىگى ىشكى نارىققا، سونىمەن قاتار كورشىلەس ەلدەرگە وتكىزىلەدى.

پرەزيدەنتكە قىزىلوردا وبلىسىنداعى اۋىل شارۋاشىلىعى تاۋارىن وندىرۋشىلەردىڭ ونىمدەرى تانىستىرىلدى. كورمەگە كۇرىش وسىرۋمەن اينالىساتىن ءىرى كاسىپورىنداردىڭ تاۋار تۇرلەرى، سونداي- اق ەت، ءسۇت، كونديتەر جانە بالىق ونىمدەرى، كوكونىستەر مەن جەمىستەر قويىلعان.

президент
Фото: Фото: пресс-служба Акорды

 

مەملەكەت باسشىسى سىر بويى ديقاندارى مەن شارۋالارىنىڭ ەڭبەگىنە تابىس تىلەدى. سونداي- اق تەك كۇرىش وسىرۋمەن شەكتەلمەي، اگروونەركاسىپ سالاسىن ءارتاراپتاندىرۋ، اسىرەسە، سۋدى از قاجەت ەتەتىن داقىلداردى ءوسىرۋ ماڭىزدى ەكەنىنە نازار اۋداردى.

دەگەنمەن پرەزيدەنت ەكسپورتتىق الەۋەتى جوعارى ءداستۇرلى كۇرىش شارۋاشىلىعىن ودان ءارى جەتىلدىرۋگە دە باسا ءمان بەرۋ قاجەتتىگىن اتاپ ءوتتى.

президент
Фото: Фото: пресс-служба Акорды

 

بۇل رەتتە ىبىراي جاقايەۆ اتىنداعى قازاق كۇرىش شارۋاشىلىعى عىلىمي- زەرتتەۋ ينستيتۋتى ۋكراينالىق ماماندارىمەن بىرلەسىپ، كۇرىشتىڭ باسقا دا سورتتارىن جەرسىندىرۋ جۇمىستارىن جۇرگىزىپ جاتىر.

سونىمەن قاتار قاسىم- جومارت توقايەۆ وسى وندىرىستىك كەشەن اۋماعىندا بىلتىر ىسكە قوسىلعان «اسسول» تۇز ءوندىرۋ زاۋىتىن دا ارالاپ كوردى. ارالدىڭ تۇزىن كادەگە جاراتىپ، اس تۇزىن شىعاراتىن كاسىپورىندا 130 ادام جۇمىسپەن قامتىلعان. ءونىم كورشىلەس رەسەيمەن قاتار لاتۆيا، ليتۆا، ەستونيا، بەلارۋس مەملەكەتتەرىنە ەكسپورتتالادى.

рисовый завод
Фото: Фото: пресс-служба Акорды

 

اۆتور

ەلميرا ورالبايەۆا

سوڭعى جاڭالىقتار