قاسىم-جومارت توقايەۆ ناتاليا بوچاروۆانى قابىلدادى

مەملەكەت باسشىسى ۇيىمنىڭ گۋمانيتارلىق بايلانىستاردى نىعايتۋعا باعىتتالعان زاماناۋي، بەدەلدى ءارى ءتيىمدى قۇرىلىم رەتىندە قالىپتاسۋى اسا وزەكتى ەكەنىن اتاپ ءوتتى.

اڭگىمەلەسۋ بارىسىندا ءبىلىم، عىلىم جانە مادەنيەت سالالارىنداعى ىنتىماقتاستىق پەرسپەكتيۆاسى تالقىلاندى. قاسىم-جومارت توقايەۆ بىرلەسكەن جوبالاردى جۇزەگە اسىرۋ كەزىندە ۇيىمعا مۇشە بارلىق ەلدەردىڭ مۇددەسىنە تەڭ قاراۋدىڭ ماڭىزىنا نازار اۋداردى. پرەزيدەنتتىڭ پايىمداۋىنشا، ءتىل ساياسيلاندىراتىن ماسەلە ەمەس، كەرىسىنشە ادامداردى بىرىكتىرۋگە، ءوزارا تۇسىنىستىككە قىزمەت ەتۋگە ءتيىس.

ناتاليا بوچاروۆا ۇيىم قىزمەتىنە قولداۋ كورسەتكەنى ءۇشىن مەملەكەت باسشىسىنا العىس ايتىپ، الداعى دامۋ جوسپارى تۋرالى مالىمەت بەردى.