قارين: «تازا قازاقستان» جاڭا دەڭگەيگە كوتەرىلەدى: تىڭ جوبالار ازىرلەنىپ جاتىر
استانا. KAZINFORM — پرەزيدەنت تاپسىرماسىنا سايكەس، «تازا قازاقستان» جالپىۇلتتىق باستاماسى جاڭا يدەيالارمەن جانە تىڭ جوبالارمەن تولىقتىرىلادى. باستاما اياسىنداعى بارلىق ءىس-شارانى ءبىرىڭعاي جۇيەگە بىرىكتىرۋ كوزدەلگەن. بۇل تۋرالى ۆيتسە- پرەزيدەنت ەرلان قارين جازدى.
— مەملەكەت باسشىسى قاسىم-جومارت توقايەۆ قازاقستان حالىق كەڭەسىنىڭ العاشقى سەسسياسىندا «تازا قازاقستان» باستاماسىن جاڭا مازمۇنمەن، جاڭا يدەيالارمەن، كرەاتيۆتى جوبالارمەن تولىقتىرۋدى تاپسىرعان بولاتىن. بۇگىنگى تاڭدا پرەزيدەنت تاپسىرماسىن ىسكە اسىرۋ ءۇشىن جان- جاقتى جۇمىس جۇرگىزىلىپ جاتىر. جالپىۇلتتىق باستامانى ساپالىق تۇرعىدان جاڭا دەڭگەيگە كوتەرۋ ماقساتىندا جاڭا جوبالار ازىرلەنىپ جاتىر. بۇگىن سول جوبالارمەن كەڭىنەن تانىستىق. «تازا قازاقستان» اياسىنداعى بارلىق ءىس-شارالار مەن جوبالار ءوزارا ۇيلەستىرىلەتىن ورتاق جۇيەگە بىرىكتىرىلەدى، — دەدى ول.
بۇعان دەيىن مەملەكەت باسشىسى «تازا قازاقستان» اكسياسى جالپى ۇلتتىق يدەولوگياعا اينالىپ كەلە جاتقانىن ايتتى.
