قارجى پيراميداسىن قۇرعانى ءۇشىن ىزدەۋدە بولعان قازاقستاندىق بىشكەكتە ۇستالدى
ادامدى تانۋ قابىلەتى بار بەينەباقىلاۋ كامەرالارىنىڭ كومەگىمەن قازاقستاندا ىزدەۋ جاريالانعان ازامات قىرعىز استاناسىنان تابىلدى. Kazinform بۇل تۋرالى كابار اگەنتتىگىنە سىلتەمە جاساپ حابارلايدى.
ق ر ءى ءى م باسپا ءسوز قىزمەتىنىڭ دەرەگى بويىنشا، بەينەباقىلاۋ جۇيەسى ونى قارجى پيراميداسىن قۇرعانى جانە باسشىلىق جاساعانى ءۇشىن ىزدەۋ سالىنعان ادام رەتىندە تىركەدى.
2023 -جىلى جەلتوقسان ايىنىڭ سوڭىندا بىشكەك قالاسىنىڭ باقىلاۋ كامەرالارى الماتى قالاسى مەدەۋ اۋداندىق پوليتسيا باسقارماسى ق ر ق ك 217-بابى «قارجىلىق پيراميدانى قۇرۋ جانە وعان باسشىلىق ەتۋ» بويىنشا ىزدەۋ جاريالاعان و. ا. ەسىمدى قازاقستان ازاماتىن انىقتادى. بىشكەكتە ۇستالعان الماتى قالاسىنىڭ تۋماسى قاماۋعا الىندى.
ايتا كەتەيىك، 2021 -جىلى ءساۋىر ايىندا قازاقستاندا سالىمشىلار ءۇش كومپانيانىڭ قىزمەتىنە قاتىستى ۇجىمدىق ارىز جازىپ، ولاردى قارجى پيراميداسى دەپ اتادى. بۇل كومپانيالار ءوزىن ينۆەستيتسيا سالاسىنداعى تابىستى ۇيىمدار دەپ تانىستىرعان. ول پايدالى ينۆەستيتسيالاردى ۇسىناتىن وسى «جوبا» كوشباسشىلارىن ۇستاي باستاعان كەزدە، جاسىرىنىپ ۇلگەرگەن.
كومپانيالار سالىمشىلاردىڭ بىرنەشە ميلليارد تەڭگەسىن زاڭسىز العان. قارجى اعىنىن ارتتىرۋ ماقساتىندا قارجى پيراميدالارى قىزمەتىنە تانىمال بلوگەرلەردى دە تارتقان. سوت قارجى پيراميداسىنا قاتىسى بار ەكى ۆاينەردى 5 جىل باس بوستاندىعىنان ايىرعان بولاتىن.
اۆتور
بالنۇر قوجاگەلدى
