قارجى پيراميداسىن قۇرعان - ەلوردادا «Sterling Invest» ج ش س باسشىلىعى تەرگەلۋدە
ق م ا استانا قالاسى بويىنشا دەپارتامەنتى قارجى پيراميداسىن قۇرۋ جانە باسقارۋ بويىنشا «Sterling Invest» ج ش س باسشىلىعىنا قاتىستى سوتقا دەيىنگى تەرگەۋ جۇرگىزىپ جاتىر، دەپ حابارلايدى قازاقپارات.

اتالعان ج ش س قۇرىلىس ماتەريالدارىن ساتىپ الۋ ءۇشىن سالىمشىلاردىڭ قاراجاتىن تارتىپ، % 20- دان % 40- عا دەيىنگى مولشەرىندە سىياقى بەرۋدى ۋادە ەتىپ، زاڭسىز ارەكەتتەردى جۇزەگە اسىرعانى انىقتالدى.
ينۆەستيتسيانىڭ ەڭ تومەنگى سوماسى - 200000 تەڭگە. تولەمدەر كەلىسىم شارتتارىنا سايكەس 15 كۇننەن 35 كۇنگە دەيىنگى مەرزىمدە جۇزەگە اسىرىلادى.
سونىمەن قاتار، «MegaSnabGroup.KZ» جانە «ازيا ستال كازاحستان» ج ش س ەنشىلەس كاسىپورىندارى انىقتالىپ، ولار دا سىياقىلاردىڭ ۇلكەن پايىزىن ۋادە ەتە وتىرىپ، قۇرىلىس ماتەريالدارىن ساتۋ جانە ينۆەستورلاردىڭ قاراجاتىن تارتۋ بويىنشا ويدان شىعارىلعان قىزمەتپەن اينالىسادى.
سونىمەن قاتار، كومپانيالار ءاربىر اكەلىنگەن ينۆەستور ءۇشىن ينۆەستيتسيا سوماسىنىڭ % 5- دان % 10- عا دەيىنگى مولشەرىندە قوسىمشا تابىس الۋعا ۋادە بەرەدى.
سوت بۇل قارجىلىق پيراميدانى ۇيىمداستىرۋشىعا «ءۇي قاماۋى» تۇرىندەگى بۇلتارتپاۋ شاراسى رەتىندە سانكسيا بەردى.
قازىرگى ۋاقىتتا 80-نەن استام ادام جابىرلەنۋشى رەتىندە تانىلىپ، ولارعا جالپى سوماسى 250 ميلليون تەڭگەدەن استام ماتەريالدىق شىعىن كەلتىرىلگەن.
ق ر ق پ ك 201-بابىنىڭ تالاپتارىنا سايكەس سوتقا دەيىنگى تەرگەپ- تەكسەرۋدىڭ وزگە دە دەرەكتەرى جاريا ەتىلۋگە جاتپايدى.
اۆتور
ەربول جانات