قارجى دەپارتامەنتىنىڭ ديرەكتورى مەن باس مامانى سوتتالدى

 «Азық-түлік корпорациясы ҰК» АҚ қаржы департаментінің директоры мен бас маманы сотталды
فوتو: ۆيدەودان كادر/انتيكور

استانا. KAZINFORM - استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن «ازىق-تۇلىك كورپوراتسياسى ۇ ك» ا ق قارجى دەپارتامەنتىنىڭ ديرەكتورى ن. گ. ءجۇمادىلوۆ جانە باس مامانى گ. ج. ابەنوۆ سوتتالدى.

سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، ولار كاسىپكەردەن قۇجاتتاردى جيناۋ بويىنشا بۇرىن كورسەتكەن قىزمەتتەرى ءۇشىن، سونداي-اق استىق تۇرىندە تاۋارلىق نەسيە بەرۋ تۋرالى شارتقا قول قويۋعا كومەكتەسكەنى ءۇشىن پارا الدى دەپ كۇدىكتەندى. سوتتالعاندارعا قاتىستى سوت شەشىمىمەن مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، جالپى سوماسى 48 ميلليون تەڭگە ايىپپۇل تۇرىندە جازا تاعايىندالدى.

قالا پروكۋراتۋراسى ۇكىمدى باس بوستاندىعىنان ايىرۋ جازاسىنا وزگەرتۋ بويىنشا اپەللياتسيالىق ءوتىنىش ەنگىزدى.

ق ر ق ك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى.

ۇكىم زاڭدى كۇشىنە ەنگەن جوق.

اۆتور
ەلميرا ورالبايەۆا

سوڭعى جاڭالىقتار