قارۋدان ءوزىن اتىپ ءولتىردى: ق ر ءى ءى م ساربازدىڭ قازاسىنا قاتىستى مالىمدەمە جاسادى

ىشكى ىستەر مينيسترلىگى ۇلتتىق ۇلان اسكەري قىزمەتشىسىنىڭ قازاسىنا بايلانىستى مالىمدەمە جاسادى. بۇل تۋرالى Polisia.kz حابارلايدى.

сарбаз басына оқ атты
Фото: Фото: Виктор Федюнин / "ҚазАқпарат" ХАА

قايعىلى وقيعا 9 - قازان كۇنى، تۇنگى ساعات 01:00-دە ۇلتتىق ۇلاننىڭ 6636 اسكەري بولىمىندە بولعانىن جازعان ەدىك. مەرزىمدى اسكەري قىزمەتشى، قاتارداعى سارباز قايسار سۇلتانوۆ كەزەكشىلىك كەزىندە بەكىتىلگەن شتاتتىق قارۋدان ءوزىنىڭ باسىنا جاراقات سالىپ، سالدارىنان قازا بولدى.

«وسى فاكتى بويىنشا ورتالىق وڭىرلىك اسكەري- تەرگەۋ باسقارماسى ءوزىن- ءوزى ولتىرۋگە دەيىن جەتكىزۋ فاكتىسى بويىنشا سوتقا دەيىنگى تەرگەپ- تەكسەرۋدى باستادى. تەرگەۋ تاجىريبەلى قىزمەتكەرلەردەن قۇرىلعان جەدەل- تەرگەۋ توبىنا تاپسىرىلدى. قازىرگى ۋاقىتتا وقيعا ورنى قارالىپ، سوت- مەديتسينالىق ساراپتاما تاعايىندالدى.

ايعاقتار، اتاپ ايتقاندا قازا تاپقان اسكەري قىزمەتشىنىڭ ۇيالى تەلەفونى مەن بەينەباقىلاۋ كامەرالارىنىڭ جازبالارى الىندى.

تەرگەۋ بارىسىندا قاتارداعى سۇلتانوۆتىڭ وقيعا ورنىندا جالعىز بولعانى انىقتالدى.

وقيعانىڭ بارلىق ءمان- جايىن انىقتاۋ جانە تەرگەۋدىڭ جان- جاقتىلىعىن قامتاماسىز ەتۋ ءۇشىن سۇلتانوۆتىڭ اسكەري ارىپتەستەرىنەن، ونىڭ كومانديرلەرىنەن، باسقا دا ادامداردان جاۋاپ الۋ، سونداي- اق ءتيىستى كەشەندى ساراپتامالىق زەرتتەۋ شارالارى جۇرگىزىلىپ جاتىر. جابىرلەنۋشى تاراپتىڭ ۋاجدەرى دە تولىق تەكسەرىلەدى.

تەرگەۋدىڭ الدىن الا ناتيجەلەرى بويىنشا وقيعاعا قۇقىقتىق باعا بەرىلەدى. تەرگەۋ بارىسى ەرەكشە باقىلاۋدا»، - دەدى ق ر ءى ءى م اسكەري- تەرگەۋ دەپارتامەنتىنىڭ باستىعى سەرىكباي قۇسايىنوۆ.

وزگە اقپارات قىلمىستىق- پروتسەستىك كودەكستىڭ 201-بابىنا سايكەس جاريا ەتىلمەدى.

اۆتور

گۇلميرا الياكپاروۆا

سوڭعى جاڭالىقتار