قاراعاندىدا كورشىسى تۋرالى وسەك ايتقان ايەل جاۋاپقا تارتىلدى
استانا. قازاقپارات - قاراعاندىدا كورشىسى تۋرالى شىندىققا جاناسپايتىن اقپارات تاراتقان 66 جاستاعى ايەل جاۋاپقا تارتىلدى، دەپ حابارلايدى Polisia.kz.
34 جاستاعى قالا تۇرعىنى كورشىسىنىڭ ءوزى تۋرالى جالعان اقپارات تاراتقانىنا شاعىمدانعان. ءاليحان بوكەيحان اتىنداعى پوليتسيا ءبولىمىنىڭ ۋچاسكەلىك پوليتسيا ينسپەكتورى تولەگەن جانكەيەۆ ارىزدى تەكسەرىپ، تۇرعىنداردان جاۋاپ العان.
ساۋالناما بارىسىندا بىرنەشە كورشى ارىزدانۋشى تۋرالى ءتۇرلى قاۋەسەت تاراعانىن ايتقان. ولاردىڭ سوزىنشە، بۇل اقپاراتتى 66 جاستاعى كورشى ايەل تاراتقان. پوليتسيا بولىمىنە جەتكىزىلگەن ايەل وزىنە قاتىستى ايتىلعان اقپاراتتى تاراتقانىن مويىنداعان. ءىس سوتتا قارالىپ، ايەل باسقا ادامنىڭ ار-نامىسى مەن قادىر-قاسيەتىنە نۇقسان كەلتىرەتىن جالعان اقپارات تاراتقانى ءۇشىن كىنالى دەپ تانىلىپ، جاۋاپقا تارتىلدى.
پوليتسيا ازاماتتاردى باسقا ادامدار تۋرالى اقپارات تاراتپاس بۇرىن ونىڭ شىنايىلىعىنا كوز جەتكىزۋگە جانە ءوز سوزدەرى مەن ارەكەتتەرىنە جاۋاپكەرشىلىكپەن قاراۋعا شاقىرادى.
