قاراعاندى وبلىسىنىڭ 63 اۋىلىندا ىشىمدىك ساتىلمايدى
استانا. قازاقپارات - قاراعاندى وبلىسىنىڭ 63 اۋىلىندا ىشىمدىك ساتىلمايدى. بۇل ەلدى مەكەندەردە جىل بويى ەشقانداي قىلمىس تىركەلمەگەن.
«ىشىمدىكسىز اۋىلداردىڭ» باسىم دەنى اقتوعاي، قارقارالى جانە وساكاروۆ اۋداندارىندا ورنالاسقان. تۇرعىندار مەرەكەلىك، توي داستارحانىنا ءتۇرلى شىرىن مەن ءتاتتى سۋسىن قويۋدى داستۇرگە اينالدىرعان. بۇل باستامانى اۋىل اقساقالدارى كوتەرگەن.
ءوڭىر حالقى قىلمىستىڭ الدىن الۋعا بەلسەنە اتسالىسادى. قۇقىق قورعاۋ باعىتىندا جۇمىس ىستەيتىن 144 قوعامدىق قۇرىلىم بار. اۋىلدىق جەرلەردە قۇرىلعان 14 جاساق ۋچاسكەلىك ينسپەكتورلارعا كومەكتەسەدى. جوعارى وقۋ ورىندارىندا ستۋدەنتتەردەن قۇرالعان 6 جاساق قوعامدىق ءتارتىپتى قاداعالايدى.
جاسقايرات قايىروۆ، وبلىستىق پوليتسيا دەپارتامەنتى باسشىسىنىڭ ءبىرىنشى ورىنباسارى:
- ءبىز 2023-جىلدان باستادىق. بيىلدىڭ وزىندە سول 63 اۋىلدىڭ ىشىندە 26 اۋىل ەنگىزىلدى. ول - قوعام بەلسەندىلەرىمەن، اۋىل اقساقالدارىمەن بىرگە ىستەپ جاتقان شارالار.
