قاراعاندى وبلىسىندا قىلمىسكەردىڭ قاشۋىنا جول بەرگەن ق ا ج د قىزمەتكەرلەرى جازالاندى

قاراعاندى وبلىسىندا سوتتالعان ادامنىڭ مەديتسينا مەكەمەسىنەن قاشىپ كەتۋىنە بايلانىستى ءىس قارالدى.

اتالعان ءىستى تەرگەۋ ناتيجەسىندە ءوڭىردىڭ قىلمىستىق- اتقارۋ جۇيەسى دەپارتامەنتىنىڭ (ق ا ج د) 9 قىزمەتكەرى جاۋاپقا تارتىلدى، دەپ حابارلايدى Kazinform.

«قىلمىستىق- اتقارۋ جۇيەسى دەپارتامەنتى قىزمەتتىك تەكسەرۋ جۇرگىزىپ، 1 قىزمەتكەر ىشكى ىستەر ورگاندارىنان جۇمىستان كەتتى، تاعى 1 قىزمەتكەر لاۋازىمىنانان تومەندەتىلدى. 4 قىزمەتكەر قىزمەتىنە تولىق سايكەس كەلمەيدى دەپ تانىلىپ، 2 ادامعا سوگىس جاريالاندى»، - دەپ حابارلادى قاراعاندى جانە ۇلىتاۋ وبلىستارى بويىنشا قىلمىستىق- اتقارۋ جۇيەسى دەپارتامەنتىنىڭ باسپا ءسوز قىزمەتى.

ايتا كەتەيىك، 18-ماۋسىم كۇنى سوتتالعان ادام قاراعاندى قالاسىنىڭ مەديتسينالىق مەكەمەسىنەن قاشىپ كەتكەن بولاتىن. ونى ق ا ج د قىزمەتكەرلەرى كۇزەتۋ كەرەك ەدى. الايدا سوتتالعان ەبىن تاۋىپ، قاشىپ كەتكەن.

جەدەل- ىزدەستىرۋ شاراسىنىڭ بارىسىندا قاشقىندى ق ا ج د مەن ءوڭىردىڭ جول پوليتسياسى قىزمەتكەرلەرى بىرىگىپ ۇستاعان.

سوتتالعان ق ك 120 بابى بويىنشا (زورلاۋ) 10 جىلعا باس بوستاندىعىنان ايىرىلعان. سوت پروتسەسى 2022 -جىلى ورال قالالىق سوتىندا ءوتتى. جازاسىن وتەۋ ءۇشىن ول قاراعاندى وبلىسىنداعى تۇرمەلەردىڭ بىرىنە جەتكىزىلگەن.

اۆتور

ايدار وسپاناليەۆ