قار، كوكتايعاق، بوران: الداعى ءۇش تاۋلىككە ارنالعان اۋا رايى بولجامى

استانا. KAZINFORM - «قازگيدرومەت» ر م ك الداعى ءۇش تاۋلىكتەگى اۋا رايى بولجامىن جاريالادى.

سينوپتيكتەردىڭ بولجامىنشا، تاياۋداعى ءۇش تاۋلىكتە قازاقستاننىڭ باتىسىنا، سولتۇستىك-باتىسىنا جانە سولتۇستىك وڭىرلەرىنە سولتۇستىك-باتىس سيكلون جىراسى اسەر ەتەدى، وسىعان بايلانىستى: ەلىمىزدىڭ باتىسىندا جاڭبىر مەن قار تۇرىندەگى جاۋىن-شاشىن، كوكتايعاق قۇبىلىستارى، ال سولتۇستىك- باتىسىندا جانە سولتۇستىگىندە بورانمەن قار جاۋادى دەپ كۇتىلۋدە. رەسپۋبليكانىڭ قالعان اۋماعىندا كەڭ انتيسيكلوننىڭ اسەرىنەن جاۋىن- شاشىنسىز اۋا رايى بولادى. رەسپۋبليكا بويىنشا تۇمان جانە جەل 15-25 م/س كۇشەيۋى كۇتىلەدى.

قازاقستاننىڭ باتىسىندا تەمپەراتۋرالىق فون كۇندىز 2-10 گرادۋس جىلى، سولتۇستىك- باتىسىندا 5 اياز-5 گرادۋس جىلى، سولتۇستىگىندە، شىعىسىندا جانە ورتالىعىندا 5 اياز-2 گرادۋس جىلى، وڭتۇستىگىندە جانە وڭتۇستىك- شىعىسىندا 5-15 گرادۋس جىلى بولادى دەپ كۇتىلەدى.