قاۋقارسىز ورىستاردى كورسەم جۇرەگىم اينيدى - ەلەنا حەيديز

استانا. قازاقپارات -  رەسەيلىك ساياسات سەركەلەرىنىڭ، بيزنەسمەندەردىڭ، جۋرناليستەردىڭ ءوز حالقىنا قاتىستى ايتقان «قاناتتى سوزدەرى». وقي وتىرىپ جاعاڭىزدى ۇستايسىز، وسىنداي تۇلعالارعا تىزگىن ۇستاتقان حالىقتى ايايسىز، ەندى بىردە ورىستاردان شوشىناسىز.

اقيقاتىن اشىق كورسەتكەنى ءۇشىن ايىزىڭ قاناتىن جەرلەرى دە بار. ءوز حالقىن ولەردەي سۇيگەن ءارى اياۋسىز سىناعان بىرەۋ بولسا، ول - پەتر چاادايەۆ. ءبىراق چاادايەۆتىڭ ءوزى كوپشىلىگىن كوزى تىرىسىندە ايتپاي، كۇندەلىگىنە عانا جازىپ كەتىپتى.

تومەندە «بەيبىت زاماننىڭ چاادايەۆى» اتانعىسى كەلىپ جۇرگەندەردىڭ سوزدەرىن كەلتىردىك.

اناتولي چۋبايس: ءسىز نەگە ول ادامدار ءۇشىن باس قاتىراسىز؟! جارايدى، وتىز ميلليونى قىرىلىپ-اق قالسىن. دەمەك، ولار نارىققا يكەمدەلە الماعان. بۇل تۋرالى ويلاماي-اق قويىڭىز، ولسە - ورنىنا باسقالار ءوسىپ شىعادى.

 دوستوەۆسكيدى باستان اياق وقىپ شىقتىم، وعان دەگەن جەككورىنىشىم شەكسىز. دوستوەۆسكيدىڭ ورىستار - ەرەكشە، قۇدايدىڭ نازارى تۇسكەن حالىق دەگەن ويلارىن وقىعان كەزدە، كىتاپتارىن كۇل-پارشا ەتىپ جىرتىپ جاستاعىم كەلەدى.

ۆلاديمير پوزدنەر: مەن ورىس ەمەسپىن، بۇل مەنىڭ وتانىم ەمەس، مەن بۇل جەردە ءوز ۇيىمدەگىدەي سەزىنە المايمىن.

ۆالەري نوۆودروۆسكي: ورىستاردى ەۋروپالىق مادەنيەتكە جىبەرۋگە بولمايدى. ولاردىڭ ورنى بوساعادا. بەيشارا، رۋحاني جاعىنان جەتىلمەگەن، قورقاقتار بوساعادا كۇن كەشەدى، وندايلاردىڭ ەشقانداي قۇقى بولمايدى. ورىستارعا قۇقىق بەرەر بولساق، بۇكىل ادامزاتتىڭ دەڭگەيى تومەندەپ كەتەدى.

 رەسەي ولەتىن بولسا، ءوز باسىم وعان ەش قارسىلىعىم جوق.

ۆلاديمير بۋكوۆسكي «رەسەيدىڭ ىقپالى جۇرەتىن ايماق» دەگەن تۇسىنىكتى ساياسي سوزدىكتەن شىعارىپ تاستايتىن ۋاقىت جەتتى.

 پۋتين - مالادەس. باسقالار رەسەي قانشا بولىككە ءبولىنىپ، بىتىراپ كەتەر ەكەن دەپ باس قاتىرىپ جۇرگەندە، ول جەتى ايماقتى قۇردى. ەندى ءبىز بۇل ەلدىڭ نەشە بولىككە بولىنەتىنىن بىلەتىن بولدىق.

ۆالەري پانيۋشكين: ورىس حالقى جويىلىپ كەتسە، جەر بەتىندەگى حالىقتاردىڭ ءومىر ءسۇرۋى جەڭىلدەر ەدى.

 مەن - ورىسپىن، ءبىزدىڭ حالىقتىڭ قازىرگى تىرلىگى قۇتىرعان ءيتتىڭ كەيپىن ەلەستەتەدى. قۇتىرعان ءيتتىڭ ءۇش كۇن، كوپ بولسا جەتى كۇن ءومىرى قالدى. ءبىراق ول ونى بىلمەيدى. كوزىنە تۇسكەننىڭ بارىنە باس سالادى، سىلەكەيىن جاعادى.

لەۆ پونومارەۆ: ورىس فاشيزمى - ويدان شىعارىلعان نارسە ەمەس، ول حالىقتىڭ وي-ساناسىندا بار.

ەلەنا حەيديز: مەنىڭ قاۋقارسىز ادامدارعا جىنىم كەلەدى، قاۋقارسىز ورىستاردى كورسەم جۇرەگىم اينيدى. ولاردىڭ قۇرعاق ءسوز بەن «وزدەرىنىڭ ۇلىلىعى» تۋرالى داڭعويلىقتان باسقا نارسە قولدارىنان كەلمەيدى.

ولەگ كاشين: ءسىبىر رەسەيدەن ءبولىنىپ، جەكە مەملەكەت بولىپ كەتكەن كەزدە ادامدار رەسەيدىڭ شەكاراسىنان ۆيزاسىز وتە بەرەتىن بولادى دەپ ۇمىتتەنەمىن.

ازىرلەگەن: ارنۇر اسقار

qazaquly.kz

2014