قانداسىمىز «قىتايدىڭ ۇزدىك دارىگەرى» اتاعىن الدى
بەيجىڭ. قازاقپارات - 19 -تامىز - قىتاي دارىگەرلەرى كۇنىنە وراي ورتالىق ۇگىت- ناسيحات باسقارماسى مەن ۇلتتىق دەنساۋلىق ساقتاۋ كوميتەتى 2024 -جىلعى «ەڭ ۇزدىك دارىگەرلەردىڭ» ءتىزىمىن جاريالادى.
قازاق دارىگەرى ءماۋلىشارىپ قاپا ۇزدىكتەر قاتارىنان تابىلدى، دەپ حابارلايدى قىتايدىڭ حالىق گازەتى.
قىتايلىق ب ا ق- تىڭ دەرەگىنشە، ءماۋلىشارىپ قاپا - بۋرىلتوعاي اۋدانىنداعى اۋىلدىڭ زەينەتكەر دارىگەرى.
ول 40 جىل بويى شارۋاشىلىق ءوڭىرىنىڭ تۇكپىر-تۇكپىرىن ارالاپ، ءدارى-دارمەك پەن دارىگەرلىك قىزمەتىن ەم الۋشىلاردىڭ وتباسىنا دەيىن جەتكىزگەن.
دارىگەرلىك جۇمىس بابىمەن جۇرگەندە شىڭجاڭنىڭ بۋرىلتوعاي اۋدانىنداعى ەلدى مەكەندەردى ارالاپ، ءاربىر مالشى وتباسىمەن تانىسقان.
ايتا كەتەيىك، ءماۋلىشارىپ قاپا كوپ جىل بۇرىن زەينەتكە شىققانىمەن ءالى دە اۋىلداستارىنىڭ سىرقاتىن ەمدەپ كەلەدى.
ءماۋلىشارىپ قاپا 1975 -جىلى شىڭجاڭ حالىقتىق قىتاي مەديتسينا مەكتەبىن بىتىرگەننەن كەيىن بۋرىلتوعاي اۋدانىنداعى مەديتسينالىق جۇمىسىن اتقارعان 47 جىلدا ول ءوزىنىڭ تاماشا دارىگەرلىك شەبەرلىگىمەن جانە كاسىبي ەتيكاسىمەن حالىقتىڭ قۇرمەتىنە بولەنگەن.
ول تەك ءوز كاسىبمەن عانا اينالىسىپ قويماي، قوعامدىق جۇمىستارعا دا بەلسەنە ارالاسقان.
اتاپ ايتقاندا، 1992 -جىلدان 2022 -جىلعا دەيىنگى 30 جىل ىشىندە بۋرىلتوعاي اۋدانىنىڭ ءبىلىم بەرۋ سالاسىنا 700000 يۋاننان جوعارى قارجى اۋدارىپ، 500-دەن استام مەكتەپتى تاستاپ كەتكەن بالانىڭ وقۋعا قايتا ورالۋىنا كومەكتەسكەن. سونداي-اق 36 كەدەي وقۋشىنىڭ وقۋىن تولىق اياقتاۋىنا قارجىلىق جاقتان قول ءۇشىن سوزعان.
اۆتور
بەيسەن سۇلتان
