قانداس مارتەبەسى قالاي تاعايىندالادى: ەرەجە وزگەردى
قانداس مارتەبەسى قالاي تاعايىندالادى: ەرەجە وزگەردى
ەڭبەك مينيسترلىگى قانداس مارتەبەسىن بەرۋ نەمەسە ۇزارتۋ ەرەجەسىنە وزگەرىس ەنگىزدى، دەپ حابارلايدى Kazinform.
وزگەرىسكە سايكەس، قانداس مارتەبەسىن بەرۋ تۋرالى ءوتىنىشتى ءوتىنىش بەرۋشى «قۇتتى مەكەن» ا ج موبيلدى قوسىمشاسى نەمەسە ق ر شەتەلدەردەگى مەكەمەسى ارقىلى «قانداس مارتەبەسىن بەرۋ نەمەسە ۇزارتۋ» مەملەكەتتىك قىزمەت كورسەتۋگە قويىلاتىن نەگىزگى تالاپتاردىڭ تىزبەسىندە كورسەتىلگەن قۇجاتتارمەن قوسا بەرۋىنە بولادى.
«قانداس» ا ا ج- عا ءوتىنىش بەرۋشىنىڭ ءوتىنىشى تىركەلگەنى تۋرالى حابارلانىپ، حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگانداردىڭ (ج ا و) قاراۋىنا جىبەرىلەدى.
ق ر شەتەلدەردەگى مەكەمەلەرى ارقىلى بەرىلگەن ءوتىنىشتى شەتەلدەردەگى مەكەمەنىڭ قىزمەتكەرى «قانداس» ا ا ج- دا تىركەيدى جانە ج ا و- عا جولدايدى، بۇل تۋرالى ءوتىنىش بەرۋشىگە حابارلانادى.
ج ا و ءوتىنىش كەلىپ تۇسكەن كۇننەن باستاپ ءبىر جۇمىس كۇنى ىشىندە ۇسىنىلعان قۇجاتتار توپتاماسىنىڭ تولىقتىعى مەن دۇرىستىعىن تەكسەرەدى.
تولىق ەمەس پاكەتتى جانە قولدانىلۋ مەرزىمى وتكەن قۇجاتتاردى ۇسىنعان كەزدە ج ا و ءوتىنىشتى قابىلداۋدان باس تارتادى. جەرگىلىكتى اتقارۋشى ورگان باسشىسىنىڭ ءوتىنىشتى قابىلداۋدان باس تارتۋ تۋرالى اقپاراتى ءوتىنىش بەرۋشىگە جىبەرىلەدى.
ىشكى ىستەر ورگاندارىنىڭ، ۇلتتىق قاۋىپسىزدىك ورگاندارىنىڭ اۋماقتىق بولىمشەلەرى ءوتىنىش بەرۋشىلەردىڭ قۇجاتتار توپتاماسىن العان كۇننەن كەيىن 20 جۇمىس كۇنى ىشىندە ج ا و- عا ونىڭ ق ر اۋماعىندا قۇقىق بۇزۋشىلىقتار جاساعانى تۋرالى ايىپتاۋشى مالىمەتتەردى جانە ونىڭ تەرروريستىك نەمەسە ەكسترەميستىك ۇيىمدارعا قاتىسى تۋرالى اقپاراتتى جىبەرەدى.
ج ا و ىشكى ىستەر ورگاندارى مەن ۇلتتىق قاۋىپسىزدىك ورگاندارىنىڭ اۋماقتىق بولىمشەلەرىنەن اقپارات كەلىپ تۇسكەن كۇننەن كەيىن 3 جۇمىس كۇنى ىشىندە كوميسسيا قارايدى (بۇرىن بۇل پروتسەدۋرا 1 جۇمىس كۇنىن الدى).
كوميسسيا ءوتىنىش كەلىپ تۇسكەن كۇننەن كەيىن 10 جۇمىس كۇنى ىشىندە ونى قاراپ، مىناداي شارتتاردى ەسكەرە وتىرىپ قانداس مارتەبەسىن بەرۋدەن باس تارتۋ نە بەرۋ تۋرالى شەشىم شىعارادى:
ق ر الەۋمەتتىك كودەكسىنىڭ 112-بابى 3-تارماعىنىڭ 2) تارماقشاسىنا سايكەس ايقىندالعان وڭىرلەرگە قونىستاندىرۋ ءۇشىن؛
اگلومەراتسيا اۋماقتارىندا جانە دەموگرافيالىق دامۋعا قاجەتتىلىگى بار، دامۋ الەۋەتى بار اۋىلدىق ەلدى مەكەندەردە، شاعىن جانە مونوقالالاردا، اۋداندىق جانە وبلىستىق ماڭىزى بار قالالاردا قونىستاندىرۋ ءۇشىن؛
ءوتىنىش بەرۋشىنىڭ وتباسىمەن نەمەسە جاقىن تۋىستارىمەن قايتا قاۋىشۋ ءۇشىن، ەگەر ءوتىنىش بەرۋشى تۇرعىن ءۇيدىڭ مەنشىك يەسى بولماسا، تۋىستىعىن راستاي وتىرىپ جانە تۇرعىن ءۇي ماسەلەلەرىن ءوز بەتىنشە شەشۋ مۇمكىندىگىمەن ق ر ازاماتتارى بولاتىن ءوتىنىش بەرۋشىنىڭ اۋماعىندا تۇراقتى تۇراتىن جانە ءوتىنىش بەرۋشىنىڭ تۇرۋىنا نوتاريالدى كۋالاندىرىلعان كەلىسىم بەرۋ ءۇشىن؛
الدىن الا ەڭبەك شارتىن ۇسىنىپ، تۇرعىن ءۇي ماسەلەلەرىن ءوز بەتىنشە شەشۋ مۇمكىندىگىمەن جۇمىس بەرۋشىلەردىڭ شاقىرۋى بويىنشا بوس جۇمىس ورنىنا جۇمىسقا ورنالاسۋ ءۇشىن نەمەسە ەتنيكالىق قازاقتار اراسىنان شىققان جەكە كاسىپكەرلەر ءۇشىن؛
ق ر جوعارى وقۋ ورىندارىندا وقيتىنى تۋرالى انىقتاماسى بار ەتنيكالىق قازاقتار ءۇشىن.
قانداس مارتەبەسىن بەرۋ نەمەسە بەرۋدەن باس تارتۋ تۋرالى شەشىمدى كوميسسيا قابىلدايدى جانە حاتتامامەن راسىمدەيدى.
قازاقستان رەسپۋبليكاسىنىڭ ازاماتتىعىن وڭايلاتىلعان تارتىپپەن الۋ ماقساتىندا قانداس مارتەبەسىن ۇزارتۋ ءۇشىن قازاقستاندا تۇراقتى تۇرۋعا رۇقسات العان ءوتىنىش بەرۋشىلەر ج ا و- عا نەمەسە مەملەكەتتىك كورپوراتسياعا بۇرىن بەرىلگەن قانداس مارتەبەسىن ۇزارتۋ تۋرالى ءوتىنىش بەرەدى.
مەملەكەتتىك قىزمەت كورسەتۋ راسىمىنە قاتىستى ناقتىلاۋ ەنگىزىلدى.
قانداس مارتەبەسىن بەرۋگە ءوتىنىشتى قابىلداۋدى جانە مەملەكەتتىك قىزمەت كورسەتۋ ناتيجەسىن بەرۋدى وبلىستاردىڭ، استانا، الماتى جانە شىمكەنت قالالارىنىڭ ج ا و ق ر شەتەلدەردەگى مەكەمەلەرى (ق ر شەگىنەن تىس تۇراتىن ەتنيكالىق قازاقتار ءۇشىن)، سونداي-اق «ەلەكتروندىق ۇكىمەتتىڭ» ۆەب- پورتالى www.egov.kz جۇزەگە اسىرادى.
قانداس مارتەبەسىن ۇزارتۋعا ءوتىنىشتى قابىلداۋدى جانە مەملەكەتتىك قىزمەت كورسەتۋ ناتيجەسىن بەرۋدى مەملەكەتتىك كورپوراتسيا جۇزەگە اسىرادى.
قانداس مارتەبەسىن بەرۋ جونىندەگى مەملەكەتتىك قىزمەت 35 جۇمىس كۇنى ىشىندە، ال قانداس مارتەبەسىن ۇزارتۋ بويىنشا 5 جۇمىس كۇنى ىشىندە كورسەتىلەدى.
بۇيرىق 2024 -جىلعى 19-قاڭتاردا قولدانىسقا ەنگىزىلەدى.
ايتا كەتەيىك، 2023 -جىلعى 1-جەلتوقسانداعى جاعداي بويىنشا 19476 ەتنيكالىق قازاق تاريحي وتانىنا ورالىپ، قانداس مارتەبەسىن العان. 1991 -جىلدان باستاپ رەسپۋبليكاعا 1 ميلليون 126,5 مىڭ ەتنيكالىق قازاق ورالدى.
اۆتور
ەلميرا ورالبايەۆا
