12:23, 13 - تامىز 2024 | GMT +6
قانات شارلاپايەۆ: بيىل ەڭبەك دەمالىسىنا شىقپايمىن
استانا. KAZINFORM - ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆقا ەڭبەك دەمالىسىن قاي ەلدە وتكىزەتىنى تۋرالى سۇراق قويىلدى.
«بۇگىن وتاندىق تاۋار وندىرۋشىلەر مەن قىزمەت كورسەتۋشىلەردى قولداۋ ماسەلەسىن قاراپ جاتىرسىزدار. وسىعان بايلانىستى سۇرايىن دەگەنىم، بيىل جازدا قاي ەلدى دەمالدىڭىز؟» - دەپ سۇرادى جۋرناليست.
مينيستر ءالى ەڭبەك دەمالىسىنا شىقپاعانىن ايتتى.
«مەندە ەشقانداي دەمالىس بولعان جوق. قازىر تاسقىننان زارداپ شەككەن تۇرعىنداردىڭ ۇيلەرىن قالپىنا كەلتىرۋ، ولاردى باسپانامەن قامتاماسىز ەتۋ ءۇشىن وڭىرلەرگە كوپ بارىپ ءجۇرمىن. سونىمەن وسى جازدا مەندە ەشقانداي دەمالىس بولعان جوق. جىل اياعىنا دەيىن ەشقانداي دەمالىس بولمايدى»، - دەدى قانات شارلاپايەۆ.
اۆتور
ەسىمجان ناقتىباي
