«قالا حيكايالارى» رەسپۋبليكالىق ادەبي بايقاۋىنا ءوتىنىم قابىلدانىپ جاتىر
استانا. KAZINFORM - مادەنيەت جانە اقپارات مينيسترلىگى جاڭا قالامگەرلەردى انىقتاپ، قولداۋعا ارنالعان «قالا حيكايالارى» رەسپۋبليكالىق پروزالىق بايقاۋىنا ءوتىنىم قابىلداۋ جالعاسىپ جاتقانىن حابارلادى.
بايقاۋ قالا مادەنيەتىن، قازىرگى قالاداعى ادام ءومىرىن، قوعامداعى وزگەرىستەردى، سونداي-اق ۇلتتىق بولمىس پەن زاماناۋي قۇندىلىقتاردىڭ ءوزارا بايلانىسىن كوركەم ادەبيەت ارقىلى بەينەلەۋدى كوزدەيدى.
بايقاۋعا قازاقستان رەسپۋبليكاسىنىڭ ازاماتتارى قاتىسا الادى. قالا پروزاسى جانرىندا جازىلعان، بۇرىن جاريالانباعان، كولەمى كەمىندە 10 اۆتورلىق باسپا تاباق بولاتىن روماندار قابىلدانادى. ءبىر اۆتورلىق باسپا تاباق 40 مىڭ باسپا تاڭباسىنا تەڭ. ءار قاتىسۋشى ءبىر عانا شىعارماسىن ۇسىنا الادى.
وتىنىمدەر 2026 -جىلعى 31 -جەلتوقسانعا دەيىن qoljazba.bookfund.kz سايتى ارقىلى قابىلدانادى.
بايقاۋ جەڭىمپازدارىنىڭ شىعارمالارى جالپى 15 مىڭ دانامەن باسىلىپ، قازاقستان كىتاپحانالارىنا تاراتىلادى. قازىرگى ۋاقىتتا بايقاۋعا 20 ءوتىنىم تۇسكەن.
قوسىمشا اقپارات الۋ ءۇشىن (7172) 74-04-07, 74-03-84, 74-04-08 تەلەفوندارىنا حابارلاسۋعا بولادى.